နနန္ဒာမော်နိုင်MPA, Certified Image Consultant(New York Fashion Institute of Technology) Proper Hand Shake Etiquette လူတစ်ဦးနဲ့တစ်ဦးတွေ့တဲ့အခါမှာ လက်ဆွဲနှုတ်ဆက်ကြရင် ကိုယ့်ဘက်ကပဲစပြီး လက်ဆွဲနှုတ်ဆက်ရမှာလား၊ ဒါမှမဟုတ် တစ်ဖက်သားကစတင်လက်ဆွဲနှုတ်ဆက် လက်ကမ်းလာတာကို စောင့်ရမှာလားစတဲ့ မေးခွန်းလေးတွေက တကယ့်ကိုအခြေခံမေးခွန်းလေးတွေပါ။ အခြေခံကျတာတွေဖြစ်တဲ့အတွက် တစ်ခါတလေမှာ မစဉ်းစားမိတတ်တာမျိုးတွေလည်း ဖြစ်တတ်ပါတယ်။ လူတစ်ဦးနဲ့တစ်ဦး စစချင်းတွေ့တဲ့အခါမှာ First Impression ကအရေးကြီးပါတယ်။ Image ကောင်းတစ်ခုဖြစ်ဖို့ရန် First Impression ကောင်းဖြစ်ဖို့လိုပါတယ်။ အဲဒါမျိုးရဖို့ဆိုတာက ပထမဆုံးစတင်ဆုံတွေ့တဲ့အခါ ကျကျနနလက်ဆွဲနှုတ်ဆက်ပုံမှန်ဖို့လိုပါတယ်။ ဒီလိုလက်ဆွဲနှုတ်ဆက်တဲ့ပုံစံကိုကြည့်ပြီး သူများမျက်စိထဲမှာကိုယ့်ကို First Impression ကောင်းဖြစ်သွားစေပါတယ်။ ဘယ်လိုလက်ဆွဲနှုတ်ဆက်ရမလဲဆိုတဲ့အပြင်ကို Timing ကလည်း အရေးကြီးပါတယ်။ ကိုယ့်ဘက်ကစပြီး လက်ဆွဲနှုတ်ဆက်မှာလား၊ သူ့ဘက်ကစမှာလား Technique လေးတွေ မှန်ကန်မှသာသူများတွေကဒီလူဟာ […]

သင့်လုပ်ဖော်ကိုင်ဖက်တွေ စိတ်ညစ်အောင်လုပ်တာဟာ မကောင်းပေမယ့်သိပ်ပြဿနာမရှိပါဘူး။ သင့်အလုပ်ရှင်စိတ်ညစ်အောင်လုပ်တာကတော့သင့်ကို အလုပ်ပြုတ်စေနိုင်ပြီး ပရော်ဖက်ရှင်နယ်မဆန်တဲ့သူဖြစ်စေမှာပါ။ သင့်အတွက်အကောင်းဆုံးဖြစ်အောင် ဒီလိုအကျင့်ဆိုးတွေကိုရှောင်ရှားဖို့ကျွမ်းကျင်သူတွေ ထောက်ပြတဲ့အကျင့်ဆိုး ၂၄ မျိုးကိုစုစည်းဖော်ပြအပ်ပါတယ်။ ၁။ အလုပ်ကိုနောက်ကျရောက်ခြင်း။ အချိန်တိကျမှုဟာ အရေးကြီးပါတယ်။ အချိန်အတိအကျရောက်တာကပရော်ဖက်ရှင်နယ်ပီသပါတယ်။ သင့်ကုမ္ပဏီက သင့်ကိုဒီရာထူးကို လက်လွတ်စပယ်ခန့်ခဲ့တာမဟုတ်ပါဘူး။ ၂။ အစည်းအဝေးတိုင်းကို ဆယ်မိနစ်နောက်ကျရောက်ခြင်း။ အလားတူပဲအစည်းအဝေးကို သင်နောက်ကျရောက်ရင်အချိန်မီရောက်နှင့်တဲ့ သင့်လုပ်ဖော်ကိုင်ဖက်တွေေရော အစည်းအဝေးစီစဉ်သူကပါ သင့်ကိုလေးစားမှာမဟုတ်ဘူး။ ကိုယ့်ကိုသူများတွေ မျော်ရအောင်လုပ်တာဟာ ငဲ့ညှာစိတ်ကင်းမဲ့ကာရိုင်းပျပြီးလူပါးဝရာကျပါတယ်။ ၃။ အချိန်ပြည့်အပျက်သဘောဆောင်ခြင်း။ ”အဲဒါတော့ ဖြစ်မှာမဟုတ်ဘူး”၊”အဲဒါကတော့ အတော်လုပ်ရခက်မယ့်ပုံပဲ၊ ဒါမှမဟုတ် ”ဘယ်ကစလုပ်ရမှန်း ကျွန်တော်/ကျွန်မမသိဘူး” စသဖြင့် အပျက်သဘောဆန်တဲ့ စကားတွေနဲ့တုံ့ပြန်တာက သင်ဟာပူးပေါင်းဆောင်ရွက်တတ်သူမဟုတ်မှန်း ပေါ်လွင်စေတယ်။ အလားတူ ညည်းညူရုံနဲ့ပဲ သင့်ရဲ့သိက္ခာကျပါတယ်။ ”လူတိုင်းညည်းချင်ပေမယ့် ညည်းတာကပရော်ဖက်ရှင်နယ်မဆန်ပါဘူး။နေ့တိုင်းတစ်နေကုန်သင်ဗျစ်တောက်ဗျစ်တောက်ပြောနေရင်သူများတွေ ကသင့်ကိုရှောင်ကြလိမ့်မယ်။ Career Builder ရဲ့စစ်တမ်းအရ အလုပ်ရှင် ၆၂ ရာခိုင်နှုန်းဟာ […]

ကမ္ဘာ့နိုင်ငံများသည် Online ရေးသားမှုများကို ဆင်ဆာလုပ်လိုသည့်ဆန္ဒပိုမိုပြင်းပြလာလျက်ရှိသည်။ ထိုအချက်က နည်းပညာကုမ္ပဏီကြီးများအတွက် ခေါင်းခဲ စရာကိစ္စရပ်တစ်ခု ဖြစ်လာလိမ့်မည်။ ၂၀၁၆ ခုနှစ်တွင်၊ WHO က ဗြိတိန်နိုင်ငံသည် ကမ္ဘာတစ်ဝန်း (၂၀၀၇ ခုနှစ်အတွင်း) လူပေါင်း ၁၁၀,၀၀၀ ခန့် အသက်ဆုံးရှုံးစေခဲ့သော ဝက်သက်ရောဂါကင်းရှင်းပြီဖြစ်ကြောင်း တရားဝင်ကြေညာခဲ့သည်။ ထိုအောင်မြင်မှုက တာရှည်မခံခဲ့ပေ။၂၀၁၈ ခုနှစ်အတွင်း အင်္ဂလန်နှင့်ဝေလနိုင်ငံများအတွင်း ဝက်သက်ရောဂါဖြစ်ပွားသူပေါင်း ၉၉၁ ဦးကိုတွေ့ရှိကြောင်း မှတ်တမ်းတင်အပြီးတွင် WHO က ဗြိတိန်၏ ဝက်သက်ကင်းရှင်းကြောင်း ကြေညာချက်ကို တရားဝင်ဖျက်သိမ်းခဲ့သည်။ ဝက်သက်ရောဂါကာကွယ်ဆေးက၊ ကလေးငယ်များအား Autism ဖြစ်စေနိုင်သည်ဆိုသည့် အယူအဆက (စင်စစ်မမှန်ကန်ပါ) နိုင်ငံများစွာတွင် (တစ်စိတ်တစ်ပိုင်းအားဖြင့်) ဝက်သက်ရောဂါ ဖြစ်ပွားမှုနှုန်း မြင့်တက်မှုဖြစ်စေခဲ့သည်။ ကာကွယ်ဆေးထိုးနှံခြင်းကို ဆန့်ကျင်သူများကယင်းတို့၏အဓိပ္ပာယ်ကင်းမဲ့သော သတင်းများဖြန့်ချိရန်အတွက် Internet Forum များနှင့် Social […]

အဖြူရောင်ရှူးဖိနပ်ဆိုတာဟာ ယောကျ်ားလေး၊ မိန်းကလေး နှစ်ယောက်လုံးကကြိုက်တဲ့၊ အဆင်အပြေဆုံး အရောင်ပါ။ ပါတီပွဲဖြစ်ဖြစ်၊ ပေါ့ပေါ့ပါးပါး အဝတ်အစား ဝတ်လိုက်ရင်ပဲဖြစ်ဖြစ်၊ Classic ဆန်ဆန် Jean ဝတ်မယ် ဆိုရင်ပဲဖြစ်ဖြစ် အဖြူရောင်ရှူးဖိနပ်တွေက အမြဲတမ်းအ တွက် အဆင်ပြေပြီး လိုက်ဖက်ပါတယ်။ ဒါပေမဲ့ အဖြူ ရောင်ရှူးဖိနပ်တွေနဲ့ပတ်သက်ပြီး စိတ်ရှုပ်စရာတစ်ခုက တော့ ခြစ်ရာ၊ ပွန်းရာတွေနဲ့ ညစ်ပတ်လွယ်တာပါပဲ။ အဲဒီ လိုမျိုးနဲ့ ရှူးဖိနပ်တွေကိုစီးပြီး နှစ်မိနစ်လောက်ကြာရင် ကိုပဲ ရှိပြီးသား Self-Confidence နဲ့ တက်ကြွတဲ့စိတ်တွေ က ကြက်ပျောက်ငှက်ပျောက်ဆိုသလို ပျောက်သွားတတ် ပါတယ်။ ပြီးတော့ ပြန်ပြီးဆေးကြော သန့်ရှင်းရေးလုပ်ရတာကလည်း စိတ်ညစ်စရာတစ်ခုလိုဖြစ်နေပါပြီ။ ဒါပေမဲ့ အစင်းအကြောင်းနဲ့ အစွန်းအထင်းတွေကိုပျောက်အောင် ဘယ်လိုလုပ်ရမလဲဆိုတဲ့ နည်းလမ်းသိမယ်ဆိုရင်တော့ ကိုယ်မြတ်နိုးပြီး ဝယ်ထားရတဲ့ ရှူးဖိနပ်နဲ့ပြုံးပျော်နိုင်မယ် လို့ ထင်ပါတယ်။ […]

လူတိုင်းဟာ အများပြည်သူသုံးယာဉ်တွေကို အကြောင်း အမျိုးမျိုးကြောင့် အသုံးပြုရပါတယ်။ ဒီလိုအသုံးပြုစီး နင်းတဲ့အခါမှာ အများရှေ့မှာ အမြင်မတော်မဖြစ်ရလေ အောင် ဘယ်လိုနေရမလဲဆိုတာကို အချိန်ယူလေ့လာ သင့်ပါတယ်။ ၁။ ယာဉ်စည်းကမ်း၊ လမ်းစည်းကမ်းလိုက်နာခြင်း ခရီးသည်တစ်ယောက်အနေနဲ့ ယာဉ်စည်းကမ်းကို တတ် နိုင်သလောက် လိုက်နာသင့်ပါတယ်။ စင်္ကြန်လမ်း၊ အ ဆောက်အအုံကြီးရဲ့ လှေကားတွေနဲ့ လူသူထူထပ်တဲ့နေ ရာတွေမှာ သွားလာတဲ့အခါမှာ တစ်စုံတစ်ယောက်ကို ကျော်တက်ချင်တယ်ဆိုရင် ဘယ်ဘက်ကနေ ကျော်တက် သင့်ပါတယ်။ မသန်စွမ်းသူတွေနဲ့ အိမ်မွေးတိရိစ္ဆာန်တွေ ပါလာတဲ့သူတွေကို အရင်ဦးစားပေးရပါမယ်။ ၂။ ယာဉ်စီးခပေးချေတဲ့နေရာမှာ အများသုံးယာဉ်တွေပေါ်မတက်ခင် ယာဉ်စီးခတွေကို ကြို တင်ထုတ်ထားဖို့ လိုပါတယ်။ ယာဉ်ပေါ်တက်ခါနီးမှ အိတ်ကပ် ဒါမှမဟုတ် လက်ဆွဲအိတ်ထဲက ပိုက်ဆံကိုရှာ တာက အချိန်ကြာပြီး ဘယ်သူမှမစောင့်ချင်ပါဘူး။ ယာဉ် စီးခကို ချက်ချင်းရှာ […]

သင့်ရဲ့ လက်ရှိအလုပ်ကို မနှစ်သက်တော့လို့ပဲဖြစ်ဖြစ်၊ နောက်အလုပ်သစ်တစ်ခုကို ပြောင်းရွှေ့လုပ်ကိုင်ဖို့အတွက် မစောင့်နိုင်တော့လောက်အောင်ပဲဖြစ်ဖြစ် လက်ရှိအလုပ် ကနေ နုတ်ထွက်ရတာဟာ အမြဲတမ်းတော့ မလွယ်ကူပါ ဘူး။ ပထမဆုံးအချက်ကတော့ ကိုယ်တကယ်ပဲ ဒီအလုပ် ကနေ နုတ်ထွက်ချင်လားဆိုတာကို သေချာအောင် ဆန်း စစ်ပါ။ သင် အခုနုတ်ထွက်တော့မယ့် အလုပ်ရှင်ရဲ့ ထောက် ခံချက်ကို ဘယ်အချိန်မှာ လိုအပ်လာမလဲဆိုတာ မသိနိုင်တဲ့ အတွက် အလုပ်ထွက်တာကို လက်လွတ်စပယ် ပြီးရင်ပြီး ရောပုံစံမျိုးနဲ့ မလုပ်မိဖို့ အရေးကြီးပါတယ်။ ၁။ ကြိုတင်အသိပေးပါ။ ကိုယ်ရဲ့အလုပ်စာချုပ် ချုပ်ဆိုထားတဲ့အထဲမှာ အလုပ်မထွက်ခင် ဘယ်တော့လောက်ဖြင့် ကြိုတင်အသိပေးရမယ်ဆိုတာ ပါရင် အဲဒါကို လိုက်နာပါ။ ၂။ လက်ရှိအလုပ်ခွင်ထဲမှာ သတ်မှတ်ထားချိန်ထက် ဆက်နေဖို့ မလိုပါ၊ အလုပ်စာချုပ်ထဲမှာ နှစ်ပတ် ကြိုအသိပေးရမယ်လို့ပါရင် အလုပ်ရှင်က အဲဒီအချိန်ထက် […]

အပြုသဘောဆောင်တဲ့ ထင်မြင်ချက်တွေဖြစ်အောင်ပြုလုပ်ပါ။ သင်ဟာ ဘယ်လိုလူမျိုးလဲဆိုတဲ့အပေါ် တခြားလူတွေရဲ့ထင်မြင်ချက်က လုပ်ငန်းလောကမှာ အရေးပါပါတယ်။ တခြားလူတွေနဲ့ ပထမဆုံးတွေ့ဆုံချိန် ခဏလေးကနေ ပထမဆုံး ထင်မြင်ချက် (First Impressions)ဆိုတာ ဖြစ်ပေါ်လာတာပါ။ ဒါကြောင့် သင်ဟာ အရည်အချင်းပြည့်ဝတဲ့သူတစ်ယောက်အဖြစ် First Impressions ကောင်းအောင်ပြုလုပ်နိုင်မယ့် အချက်တချို့ကို ဖော်ပြပေးလိုက်ပါတယ်။ ၁။ တစ်ဖက်လူနဲ့စကားပြောတဲ့အခါမှာ ခန္ဓာကိုယ်ကိုမတ်မတ်ရပ်၊ မျက်လုံးချင်းဆုံပြီးပြောဆိုပါ။ နောက်ပြီး အရိုး သားဆုံး ပြုံးပြဖို့လည်းမမေ့ပါနဲ့။ ၂။ ရုံးကို စောစောရောက်အောင်သွားပါ။ ရုံးကသတ်မှတ်ထားတဲ့ အဝတ်အစားပုံစံအတိုင်းဝတ်ဆင်ပါ။ ၃။ သင့်ရဲ့ပုံရိပ်ကိုကိုယ်စားပြုမယ့် နောက်ထပ်အရာတစ်ခုက သင့်ရဲ့လက်ဆွဲအိတ်ပါ။ သင်ရုံးတက်ရင် ယူဆောင်လာမယ့် သင့်ရဲ့အိတ်ကမျက်စိရှုပ်စရာ ဖြစ်နေရင်လည်း သင့်ရဲ့ပုံရိပ်ကို မှေးမှိန်စေမှာပါ။ ၄။ တစ်စုံတစ်ယောက်နဲ့ ပထမဆုံးတွေ့ဆုံတဲ့အခါမှာ မြဲမြံတဲ့လက်တစ်စုံနဲ့ ညင်ညင်သာသာ လက်ဆွဲနှုတ်ဆက်ဖို့ မမေ့ပါနဲ့။ ၅။လုပ်ငန်းခွင်ထဲမှာအိပ်ချင်တဲ့ပုံစံက ကိုယ့်ရဲ့သွင်ပြင်ကိုဆိုးရွားစေတာကြောင့် […]

မြန်မာနိုင်ငံမှာ ကော်ဖီဆိုင်ထိုင်တဲ့ယဉ်ကျေးမှုက အတော်လေးစိမ့်ဝင်ပြန့်နှံ့နေပြီးသားပါ။ သူငယ်ချင်းမိတ်ဆွေတွေနဲ့ ကော်ဖီဆိုင်မှာ ချိန်းဆိုတွေ့ဆုံကြတယ်။ လုပ်ငန်းကိစ္စတွေ့ကြတဲ့ အခါတွေရှိတယ်။ တစ်ယောက်တည်း အလုပ်လုပ်ချင်လို့ ထိုင်တာမျိုးရှိတယ်။ သူငယ်ချင်းတွေနဲ့ ပရောဂျက်အတူတူစုလုပ်တာ၊ စာတူတူကြည့်ကြတာတွေ ရှိတယ်။ ဒါပေမဲ့ ကော်ဖီဆိုင်ထိုင်ရင် ဘယ်လိုအမူအကျင့် တွေကိုရှောင်သင့်သလဲဆိုတာကိုတော့ အမှုမဲ့အမှတ်မဲ့ဖြစ် နေတတ်ကြမယ်လို့ထင်ပါတယ်။ ဒါကြောင့် ကော်ဖီဆိုင် ထိုင်ရင် သတိထားသင့်တဲ့ အမူအကျင့်၁၀ မျိုးကို ဖော်ပြပေးလိုက်ရပါတယ်။ ၁။ အလကားရတဲ့အလုပ်နေရာလို့ သဘောမထားပါနဲ့။ ကော်ဖီဆိုင်ထဲဝင်ထိုင်ရင်း တချို့လူတွေလို ဘာမှမဝယ်၊ မသောက်မစားဘဲ အခမဲ့ရတဲ့ခုံမှာဝင်ထိုင်အလုပ်လုပ်နေတာမျိုးမဖြစ်ပါစေနဲ့။ ခုံတိုင်းက ပိုက်ဆံသုံးတဲ့ဝယ်သူတွေအတွက်ပါ။ ဒါကြောင့် ဆိုင်ထဲဝင်၊ နေရာယူ၊ ပြီး သိပ်မကြာခင်မှာ သင့်တာ၊ ဝယ်သင့်တာ ဝယ်ပါတော့။ ၂။ နေရာပိုမယူပါနဲ့။ တစ်ယောက်တည်းလာတာဆိုရင်၊ နှစ်ယောက်တည်း လာတာဆိုရင် နှစ်ယောက်ထိုင်ခုံမှာပဲထိုင်ပါ။ မလိုအပ်ဘဲ စားပွဲခုံကြီးမှာဝင်ထိုင်ပြီး ၄ […]

လုပ်ငန်းကိစ္စစကားဝိုင်းအစည်းအဝေးတွေအတွက် သတိထားစရာဆောင်ရန်ရှောင်ရန်အချက်တွေကများပါတယ်။ တချို့သိပြီးသား၊ နားလည်လိုက်နာပြီးသားဖြစ်မှာပါ။ အဲဒါကြောင့် လုပ်ငန်းခွင်စလူငယ်တွေ၊ တက်သစ်စမန်နေဂျာတွေ၊ အခုမှ အပြင်လူနဲ့ဆက်ဆံရမယ့် ဝန်ထမ်းတွေအတွက် လိုတိုရှင်းအချက် ၂၀ ကို ဖော်ပြပေးလိုက်ပါတယ်။ ဆောင်ရန်တွေက ၁။ လူတစ်ယောက်နဲ့ ပထမဆုံးအကြိမ်တွေ့ဆုံရမယ်ဆိုရင် မတွေ့ခင်အဲဒီပုဂ္ဂိုလ်အကြောင်းသိအောင် ကြိုတင်လေ့လာပါ။ ၂။ အင်တာနက်ကတစ်ဆင့် သူ့ရဲ့လုပ်ငန်းအကြောင်းရော၊ ပြိုင်ဘက်ကုမ္ပဏီတွေအကြောင်းကိုရော တော်တော်များများသိထားတယ်လို့ ကိုယ့်ကိုယ်ကိုယ်ယူဆထားရင်တောင် အဲဒီပုဂ္ဂိုလ်နဲ့ တွေ့ဆုံစဉ်မှာသူပြောတာကို သေချာနားထောင်ပါ။ ၃။ တွေ့ဆုံဖို့အတွက် သူ့ရဲ့ရုံးမှာ၊ ဒါမှမဟုတ် တွေ့ဖို့ချိန်းထားတဲ့နေရာရောက်တဲ့အခါ ရှက်ကြောက်စိတ်မရှိပါနဲ့။ ၄။ ကိုယ့်အလုပ်ကို ကိုယ်နားလည်ကျွမ်းကျင်တယ်ဆိုရင် အတင်းကြီး ဘာမှကြိုးစားစရာမလိုပါဘူး။ ကိုယ့်အရှိအတိုင်းကိုယ်နေပါ။ ၅။ Client ဖြစ်လာနိုင်တဲ့သူနဲ့စတွေ့ချိန်မှာ ကိုယ့်အကြောင်းကို မေးလာတဲ့အခါ မရှက်ကြောက်ပါနဲ့။ တိုတိုနဲ့လိုရင်းဖြေလိုက်ပါ။ ၆။ တွေ့ဆုံချိန်မှာပြောမယ့်အကြောင်းအရာတွေကို တအားကြိုတင်လေ့ကျင့်မှုတွေလုပ်ဖို့မလိုပါ။ အပြန်အလှန်ဆွေးနွေးညှိနှိုင်းပါ။ ၇။ တစ်ချိန်လုံး Note […]

ကမ္ဘာတစ်ဝန်း လူသန်းပေါင်းများစွာအတူတကွ ပြုလုပ်လေ့ရှိတဲ့ နေ့တွေထဲကတစ်ခုဖြစ်တဲ့ ချစ်သူများနေ့မှာကုမ္ပဏီဝန်ထမ်းတွေအနေနဲလည်း နှင်းဆီပန်းစည်းတွေ၊ ချောကလက်တွေ၊ လက်ဆောင်ကဒ်တွေ၊ လက်ဆောင်တွေနဲ့အတူ မိမိချစ်သူကိုပေးကမ်းပိုးပန်းကာ အတူဆင်နွဲကြပါလိမ့်မယ်။ ဒါပေမဲ့လုပ်ငန်းခွင်အတွင်းမှာတော့ ဒီလိုချစ်ရေးချစ်ရာကိစ္စတွေကို ရှောင်ရှားရမှာပါ။ ၁။ လုပ်ဖော်ကိုင်ဖက်တစ်ယောက်၊ တစ်စုတည်းကိုပဲကွက်ပြီး လက်ဆောင်မပေးပါနဲ့။ကိုယ့်မှာ လုပ်ဖော်ကိုင်ဖက်တွေအများကြီးရှိတဲ့အထဲကမှ တစ်ယောက်တည်း၊ နှစ်ယောက်တည်းကိုပဲ ချစ်သူများနေ့မှာ လက်ဆောင်ပေးတာက လက်ခံရယူသူအဖို့ ဝန်ထုပ်ဝန်ပိုးဖြစ်စေပါတယ်။ ၂။ လုပ်ဖော်ကိုင်ဖက်တွေကို ဈေးကြီးတဲ့မသင့်လျော်တဲ့လက်ဆောင် မပေးမိပါစေနဲ့။ဒီလိုပေးလိုက်မိရင် ကိုယ့်ကိုအထင်လွဲသွားပါလိမ့်မယ်။ (ကိုယ်က သူ့ကို ကြိတ်ကြိုက်နေတယ်ဆိုတာမျိုးသဘော ပေါက်သွားနိုင်ပါတယ်။) ၃။ လုပ်ဖော်ကိုင်ဖက်အချင်းချင်း ကလူကျီစယ်တာမျိုးမလုပ်ပါနဲ့။တကယ်တမ်း ကိုယ့်လုပ်ဖော်ကိုင်ဖက်ကို စိတ်ဝင်စားမိနေရင်တောင်မှ အလုပ်ထဲမှာ ကိုယ့်ခံစားမှုကို မထုတ်ဖော်ပြပါနဲ့။ ၄။ လုပ်ငန်းခွင်အတွင်း အထိအတွေ့မလုပ်ပါနဲ့။လုံး၀ မလုပ်မိပါစေနဲ့။ ၅။ ချစ်သူများနေ့ကို မဟုတ်တာလုပ်လည်း အဆင်ပြေတဲ့နေ့ဆိုပြီး သဘောမထားပါနဲ့။လုပ်ငန်းခွင်ဖြစ်တဲ့အတွက်ကြောင့် ဘယ်လိုနေ့ကမှ မဟုတ်မဟတ်အပြုအမူတွေအတွက် အဆင်မပြေပါဘူး။ ၆။ […]