advertisement-image
Articles

ကိုယ်ဟန်အမူအရာနဲ့ပတ်သက်တဲ့မပြောင်းလဲနိုင်တဲ့အမှန်တရား ၅ ခု

သုတေသီတွေက ပေါင်းသင်းဆက်ဆံရေးနဲ့ပတ်သက်ရင် ၉၃ ရာခိုင်နှုန်းလောက်က စကားသံမထွက်ဘဲ ကိုယ်ဟန်အမူ အရာဖြစ်တယ်ဆိုတာတွေ့ရှိထားပါတယ်။ ကိုယ်ခန္ဓာဘယ်လိုလှုပ်ရှားနေတယ်၊ မျက်နှာအမူအရာက ဘယ်လိုဖြစ်နေတယ်၊ စကားဘယ်လောက်မြန်မြန်ပြောနေတယ်၊ (ထိုင်ပြောနေတာထား၊ မတ်တတ်ရပ်ပြောနေတာလား၊ ရေမွှေးဘယ်လောက် များများဆွတ်ထားသလဲ၊ ဘယ်လိုလက်ဝတ်ရတနာတွေဝတ်ထားသလဲ၊ ဆံပင်အရှည်လားအတိုလား စသဖြင့်) အချက်တွေအားလုံးက ပြောနေတဲ့စကားလုံးတွေထက် ပိုနက်နဲတဲ့အဓိပ္ပာယ်ကိုဆောင်နေပါတယ်။ ယေဘုယျအားဖြင့် စကားပြောဆိုဆက်ဆံမှုတစ်ခုတိုင်းမှာ ကိုယ်ဟန်အမူအရာပေါင်း တစ်ထောင်ခန့်ပါဝင်နေတာ ဖြစ်ပြီး အဲဒီအမူအရာအားလုံးက ကိုယ်ပြောနေတဲ့စကားစမြည်ကလေးတွေထက်ပိုတဲ့ အဓိပ္ပာယ်ကိုဆောင်နေပါတယ်။ လက်ကိုဘယ်လိုလွှဲယမ်းပြောဆိုနေတယ်၊ အသံနေအသံထား ဘယ်လိုပြောင်းသွားတယ်ဆိုတာက စကားပြောနေရင်း တစ်ဖက်လူအပေါ် ကိုယ်ဘယ်လိုခံစားမှုမျိုး ရှိတယ်၊ ကိုယ်ဘာတွေတွေးနေတယ်ဆိုတာကို ဖော်ပြပါတယ်။ ဆိုလိုတာက လူတစ်ယောက်ရဲ့ကိုယ်ဟန်အမူအရာတွေက သူပြောနေတဲ့စကားတွေကို အထောက်အကူပြုပေးတာထက်၊ သူ့စကားအဓိပ္ပာယ်အပေါ်လည်း လွှမ်းမိုးမှုရှိနေပါတယ်။ တစ်ကမ္ဘာလုံးကလက်ခံထားတာကတော့ အမျိုးသမီးတွေက အမျိုးသားတွေထက် တစ်ပါးသူရဲ့ ကိုယ်ဟန်အမူအရာမျက်နှာထားကို အဓိပ္ပာယ်ဖော်တဲ့နေရာမှာ ပိုတော်တယ်ဆိုတာပါပဲ။ တစ်ဖက်လူကအမျိုးသားဖြစ်စေ၊ အမျိုးသမီးဖြစ်စေ အမျိုးသမီးတွေဟာ နှုတ်နဲ့မပြောဘဲ […]
Posted On September 17, 2020, By CEO Editors

မန်နေဂျာများအတွက် ဆွန်ဇူးရဲ့ စစ်ဆင်ရေးပညာ

ယခင်လမှအဆက် ရရှိထားတဲ့‌အောင်မြင်မှုတွေကိုခိုင်အောင်လုပ်ပါ။ ညွန့်သောင်း ဆွန်ဇူးက အောက်ပါအတိုင်း ဆက်လက်မိန့်ကြားပါတယ်။ “တိုက်ပွဲတွေကိုတိုက်ပြီး မြို့တွေ၊ နယ်တွေကို သိမ်းပိုက်နိုင်ပေမယ့် အဲဒါတွေကို ခိုင်မာစွာထိန်းမထားနိုင်ရင်တော့ ဒါဟာမိမိတို့မှာရှိတဲ့ လူ၊ လက်နက် စတဲ့အရင်းအမြစ်တွေနဲ့ အချိန်စတာတွေကို အလဟဿဖြုန်းတီးပစ်ရာကျတယ်။ ဒါကြောင့် ဉာဏ်ပညာအမြော်အမြင်ရှိတဲ့ စစ်တပ်၊ ဗိုလ်ချုပ်၊ ဘုရင်၊ အုပ်စိုးသူစသူများဟာ စစ်တိုက်ရေးအစီအစဉ်များ ကို စိစစ်သုံးသပ်ကြရမယ်။ စစ်ဗိုလ်ချုပ်တွေကလည်း သေချာဂရုစိုက်ပြီး အကောင်အထည်ဖော်လုပ်ကိုင်ကြရမယ်။“ မန်နေဂျာရှုထောင့်မှသုံးသပ်ချက် အောင်မြင်ရင်ပြီးရောဆိုတဲ့ ရည်မှန်းချက်မျိုးကမဖြစ်သင့်ဘူး။ အောင်မြင်ပြီးသားကို ရေရှည်ဆက်ထိန်းထားနိုင်ဖို့လိုတယ်။ အဖွဲ့အစည်းတစ်ရပ်ဟာ ဒီအဖွဲ့အစည်းထဲမှာ ပါဝင်ပတ်သက်နေတဲ့သူများကို ထိုက်သင့်အားလျော်စွာ ချီးမြှောက်ခြင်းဆိုတဲ့လိုအပ်ချက်ပေါ်မှာ အာရုံစိုက်တန်ဖိုးထားကာ လုပ်ကိုင်သွားရင် လုပ်ငန်းအောင်မြင်မှာသေချာပါတယ်။ ရောင်းတော့ရောင်းရပါရဲ့။ ဒါပေမဲ့ ဖောက်သည်တွေမြဲအောင် ထိန်းမထားနိုင်ရင်စစ်ပွဲမှာ ဆုံးရှုံးခြင်းမျိုးဖြစ်သွားမယ်။ ရောင်းထွက်ရေးက အရေးကြီးပေမယ့် ဒါဟာဖောက်သည်တွေနဲ့ နောင်အခါဆက်လက်ဆက်ဆံသွားနိုင်ရေးအတွက်အခြေခံမျှသာဖြစ်တယ်။ ကုန်ပစ္စည်းတွေ ထည့်သွင်းသယ်ဆောင်သွားဖို့ ကုန်တင်သေတ္တာကြီးတွေ […]
Posted On September 17, 2020, By CEO Editors

အောင်မြင်သူတို့ ပြုလေ့ရှိသောအချက်ပေါင်း ၁၀၀

ယခင်လမှအဆက် ၁၉။ အပြင်လောကအစစ်အမှန်တွင် နေထိုင်ပါ။ “သင့် Email နှင့် Phone တို့ကိုပိတ်ထားပါ။ အင်တာနက်လိုင်းပေါ်မှထွက်လိုက်ပါ။ ထို့ကြောင့် လိုအပ်သောအချိန်တွင် သင်အပြည့်အဝအာရုံစိုက်နိုင်သော၊ လိုအပ်သောအချိန်တွင် သင်အဆက်ဖြတ်ခြင်းပြုနိုင်သော ပိုင်းခြားကန့်သတ်နိုင်သည့် နည်းလမ်းကို ရှာဖွေချမှတ်ပါ။ နည်းပညာသည် အစေခံကောင်းတစ်ခုဖြစ်သော်လည်း သခင်ဆိုးတစ်ယောက်ဖြစ်သည်။ တစ်နည်းအားဖြင့် သင်က ထိန်းချုပ်အသုံးချနိုင်သည့်အချိန်တွင် ကောင်းမွန်သော်လည်း သင့်အပေါ်ပြန်လည်ကြီးစိုးသွားလျှင်မူကား ရလဒ်ဆိုးများသာရရှိဖို့များသည်ဟုဆိုလိုခြင်းဖြစ်သည်။“ Gretchen Rubin အင်တာနက်လိုင်းပေါ်တွင် ကြာရှည်စွာနေခြင်းသည် စိတ်ကျန်းမာရေးကိုထိခိုက်စေနိုင်သည်။ ယင်းသည် ၂၀၁၄ ခုနှစ်၊ မေလက Mirror သတင်းစာတွင်ဖော်ပြခဲ့သည့် လေ့လာတင်ပြမှုတစ်ခု၏ နိဂုံးချုပ်မှတ်ချက်ဖြစ်သည်။ လေ့လာမှုများနှင့်ဆောင်းပါးများစွာက Online တွင်အသုံးပြုသောအချိန်အတိုင်းအတာနှင့်(စိတ်ကျဝေဒနာသေကြောင်းကြံစည်ခြင်း၊ အထီးကျန်ခံစားရခြင်း၊ ညံ့ဖျင်းသောလူမှုရေးဆက်ဆံမှုများ၊ မိမိကိုယ်ကိုတန်ဖိုးထားမှုနိမ့်ကျခြင်း၊ ကိုယ်လက်လှုပ်ရှားမှုမရှိခြင်း၊ ပြင်ပလောကနှင့် ကင်းကွာခြင်းစသည့်) ပြဿနာမျိုးစုံတို့ကိုဆက်စပ်ပေးခဲ့ကြသည်။ Bill Gates ကအင်တာနက်အား “အနာဂတ်ကမ္ဘာ့ရွာ၏ လူအများတွေ့ဆုံစုစည်းရာမြို့လယ်ကောင်ကွက်လပ်” […]
Posted On September 17, 2020, By CEO Editors

ရောင်းအားမြှင့်တင်ပေးမယ့် ‘C’ ၃ လုံး

စောဒေးဗစ် အရောင်းပိုင်းဆိုင်ရာ ပေါက်မြောက်အောင်မြင်သူများက သူတို့ရဲ့အကျိုးအမြတ်တွေကို မြင့်တက်စေခဲ့တဲ့ အရေးပါတဲ့အမူအကျင့်တွေအဖြစ်နဲ့ ” ချိတ်ဆက်ခြင်း၊ စည်းရုံးသိမ်းသွင်းခြင်းနဲ့ ပူးပေါင်းလုပ်ဆောင်ခြင်း” ဆိုတဲ့ အဆင့်သုံးဆင့်ကိုရည်ညွှန်းထားကြပါတယ်။ အရောင်းပိုင်းဆိုင်ရာလုပ်ငန်းစဉ်ထဲမှာ စိတ်ပညာဟာ ကြီးမားတဲ့အစိတ်အပိုင်းတစ်ခုအဖြစ်ရှိနေပါတယ်။ ဝယ်ယူမှုမပြုခင်ကိုယ့်ရဲ့ခံစားရွေးချယ်မှုက မှန်ကန်တယ်ဆိုတာမျိုးကိုဖြစ်ချင်ကြတဲ့ စိတ်သဘောမျိုးကိုဆိုလိုခြင်းဖြစ်ပါတယ်။ CRM လို့ခေါ်တဲ့ (Customer Relationship Management) – ဝယ်သူများအတွက် ဆက်ဆံရေးကောင်းကိုစီမံပေးတဲ့ ဆော့ဖ်ဝဲမျိုးကသင့်ရဲ့ဖောက်သည်တစ်ဦးချင်းစီရဲ့အကြောင်းကို ပိုပြီးသိရှိနိုင်ဖို့အကူအညီပေးခြင်းအားဖြင့် အရောင်းပိုင်းဆိုင်ရာလုပ်ငန်းစဉ်တွေအတွက် အထောက်အကူပေးနိုင်ပါတယ်။ သင့်ရဲ့ကုန်ပစ္စည်းနဲ့ သင့်ရဲ့ဝန်ဆောင်မှုတွေအတွက် ဈေးကွက်ချဲ့ထွင်မှုတွေဘယ်လောက်ပဲကောင်း အောင်လုပ်ထားပါစေ၊ ဒါမှမဟုတ် သင့်ရဲ့ကုန်အမှတ်တံဆိပ်က ဘယ်လောက်ပဲလူသိများနေပါစေ ဈေးမရောင်းရသေးသရွေ့သင်အကျိုးအမြတ်မရသေးပါဘူး။ သင့်ရဲ့ ဖောက်သည်တွေက သင့်ရဲ့ကုန်ပစ္စည်း၊ ဒါမှမဟုတ် သင့်ရဲ့ဝန်ဆောင်မှုကောင်းတွေကို လေ့လာကြည့်ဖို့ သင်ဆွဲဆောင်နိုင်ပေမယ့် ရောင်းဝယ်မှုပြီးပြတ်ဖို့ သင်ဘယ်လို လုပ်ဆောင်ပါသလဲ။ သင့်ရဲ့ကုန်ပစ္စည်းတွေက ရောင်းအားကောင်းရဲ့လား၊ ဒါမှမဟုတ် သင့်ရဲ့ကုန်ပစ္စည်းတွေက အရောင်းစင်ပေါ်မှာပဲသတင်းပတ်ပေါင်းများစွာ ရှိနေတာလား။ ကုန်ပစ္စည်း၊ […]
Posted On September 17, 2020, By CEO Editors

၀န်ထမ်းတစ်ယောက်အနေနဲ့ အနာဂတ်မှာ စီမံခန့်ခွဲသူမန်နေဂျာကောင်းတစ်ယောက်ဖြစ်လာဖို့ ဘယ်လိုစိတ်နေစိတ်ထား အရည်အချင်းလိုအပ်ပါသလဲ။ ဘယ်လိုဖြည့်ဆည်းထားရပါမလဲ။

ဒေါက်တာတင်မမစိုး – HR Consultant Cum MD၊ Billion Force Services Co Ltd ဝန်ထမ်းတစ်ယောက်အနေနဲ့ အနာဂတ်မှာ စီမံခန့်ခွဲမှုမန်နေဂျာကောင်းတစ်ယောက်ဖြစ်ဖို့ဆိုရင်လိုအပ်တဲ့ သူ့ရဲ့ Attitude တွေ၊ Skill တွေရှိပါမယ်။ လိုအပ်တဲ့ Attitude ရှိဖို့ဆိုရင် EQ ( Emotional Quotient) ကောင်းဖို့ လိုပါတယ်။ Emotional Quotient ဆိုတာက ကိုယ်ကိုယ်တိုင်နဲ့ သူများရဲ့စိတ်ခံစားမှုကိုနားလည်တယ်။ အဲဒီစိတ်ခံစားမှုကိုလည်း ကောင်းကောင်း Manage လုပ်နိုင်တဲ့ အရည်အချင်းမျိုးကိုပြောတာပဲ ဖြစ်ပါတယ်။ နောက်တစ်ခုက Adaptable ဖြစ်တယ်ဆိုတာက အဖွဲ့အစည်းအနေနဲ့ ပေါ်လစီတွေပြောင်းတယ်။ စနစ်တွေ ပြောင်းတယ်။ စီမံခန့်ခွဲမှုပုံစံတွေပြောင်းတယ်။ ဒီလိုမျိုးအပြောင်းအလဲတွေလုပ်ခဲ့ပြီဆိုရင် အဲဒီအပြောင်းအလဲပေါ်မှာ Resistance လို့ခေါ်တဲ့ ဆန့်ကျင်တင်းခံတာမျိုးတွေမရှိဘူး။ ဒီပြောင်းလဲသွားတဲ့အပေါ်မှာလိုက်ပြီးတော့ လိုက်လျောညီထွေပြောင်းလဲလုပ်ကိုင်မယ်ဆိုတဲ့စိတ်နဲ့ ပြောင်းလဲလုပ်ကိုင်ပေးတယ်။ […]
Posted On September 11, 2020, By CEO Editors

စီမံခန့်ခွဲမှုတာဝန်မှာပါဝင်နေသူတစ်ဦးအနေနဲ့ ဘယ်အချိန်မှာကိုယ့်ရဲ့ပညာရေးနဲ့ Skill လိုအပ်ချက်ပိုင်းထပ်မံဖြည့်ဆ

စီမံခန့်ခွဲမှုတာဝန်မှာပါဝင်နေပြီဆိုတော့ ကိုယ့်ကိုယ်ကိုယ်ယုံကြည်မှုဟာ အဆင့်တစ်ခုထိရှိနေပြီဆိုတာသေချာပါတယ်။ ဒီအချိန်မှာပဲ ပိုတိုးတက်တဲ့အရည်အချင်းနဲ့ စွမ်းရည်တွေရှိနေချင်တယ်ဆိုတာကချီးကျူးရမယ့်အချက်ဖြစ်သလို လိုအပ်မှုတွေလည်းရှိနိုင်တော့ စဉ်းစားသင့်ပါတယ်။ မေးခွန်းရှင်အတွက် ဖြေပေးချင်တာက ကိုယ့်ရဲ့သင်ယူလေ့လာမှုတိုင်းမှာ အဓိကအကျိုးရှိဖို့ကတော့ ကိုယ့်လုပ်ငန်းတွင်းနဲ့ လုပ်ငန်းရဲ့အနီးကပ်အခြေအနေကို မျက်ခြေမပြတ် သိနေဖို့လိုသလိုတစ်ဖက်မှာလည်း အပြောင်းအလဲတွေ၊ အသစ်အဆန်းတွေကို ရင်ဆိုင်နိုင်ဖို့အဆင်သင့် ဖြစ်နေဖို့ပါပဲ။ ပတ်ဝန်းကျင်နဲ့ လုပ်ငန်းခွင်ပြင်ပကမ္ဘာကြီးမှာဖြစ်ပေါ်နေတဲ့ ပြောင်းလဲမှုတွေနဲ့ရင်းနှီဖို့ ဆွေးနွေးပွဲ တွေ၊ Forum တွေ၊ နည်းလမ်းသစ်တွေမှာ ပါဝင်နားစွင့်နေဖို့၊ လိုအပ်ရင်ရင်ဆိုင်နိုင်ဖို့ အတွေးသစ်အမြင်သစ် စိတ်ကူးသစ်တွေရှိရတော့မှာပါ။ ဒီလိုစိတ်ကူးမျိုးတွေ၊ အတွေးအမြင်တွေ ရှိသင့်သလောက်မရှိဘဲ ခေတ်ရဲ့ပြောင်းလဲမှုအလိုက် ကိုယ့်လုပ်ငန်းခွင်၊ ကိုယ့်သက်မွေးမှုပညာရပ်နဲ့ ပတ်သက်ရာတွေမှာ မျက်ခြေပြတ်တာတွေများနေပြီဆိုတာကိုယ်ကိုယ့်ကိုယ် ကိုယ်သိနေပြီဆိုရင်ထပ်မံသင်ယူလေ့လာဆည်းပူးရမှာတွေအတွက် အချိန်ပေးသင့်ပြီလို့ သိရမှာဖြစ်ပါတယ်။ အခုလက်ရှိအချိန်မှာခေတ်စားနေတဲ့ အသုံးအနှုန်းဖြစ်တဲ့ New normal ဆိုတာ အရင်နဲ့မတူတော့တဲ့အခြေအနေကိုရင်ဆိုင်ဖို့ အဆင်သင့်ဖြစ်နေဖို့ဆိုတဲ့ သဘောမျိုးဖြစ်ပါတယ်။ ကိုယ်တိုင်ကလည်း ဒီသဘောကိုနားလည်လက်ခံအဆင်သင့်ဖြစ်နေဖို့ပါပဲ။ ဒေါက်တာ ဒေါ်ရီရီမြင့် […]
Posted On September 9, 2020, By CEO Editors

နည်းမှန်လမ်းမှန် ဘယ်လိုလက်ဆွဲနှုတ်ဆက်ကြမလဲ

နနန္ဒာမော်နိုင်MPA, Certified Image Consultant(New York Fashion Institute of Technology) Proper Hand Shake Etiquette လူတစ်ဦးနဲ့တစ်ဦးတွေ့တဲ့အခါမှာ လက်ဆွဲနှုတ်ဆက်ကြရင် ကိုယ့်ဘက်ကပဲစပြီး လက်ဆွဲနှုတ်ဆက်ရမှာလား၊ ဒါမှမဟုတ် တစ်ဖက်သားကစတင်လက်ဆွဲနှုတ်ဆက် လက်ကမ်းလာတာကို စောင့်ရမှာလားစတဲ့ မေးခွန်းလေးတွေက တကယ့်ကိုအခြေခံမေးခွန်းလေးတွေပါ။ အခြေခံကျတာတွေဖြစ်တဲ့အတွက် တစ်ခါတလေမှာ မစဉ်းစားမိတတ်တာမျိုးတွေလည်း ဖြစ်တတ်ပါတယ်။ လူတစ်ဦးနဲ့တစ်ဦး စစချင်းတွေ့တဲ့အခါမှာ First Impression ကအရေးကြီးပါတယ်။ Image ကောင်းတစ်ခုဖြစ်ဖို့ရန် First Impression ကောင်းဖြစ်ဖို့လိုပါတယ်။ အဲဒါမျိုးရဖို့ဆိုတာက ပထမဆုံးစတင်ဆုံတွေ့တဲ့အခါ ကျကျနနလက်ဆွဲနှုတ်ဆက်ပုံမှန်ဖို့လိုပါတယ်။ ဒီလိုလက်ဆွဲနှုတ်ဆက်တဲ့ပုံစံကိုကြည့်ပြီး သူများမျက်စိထဲမှာကိုယ့်ကို First Impression ကောင်းဖြစ်သွားစေပါတယ်။ ဘယ်လိုလက်ဆွဲနှုတ်ဆက်ရမလဲဆိုတဲ့အပြင်ကို Timing ကလည်း အရေးကြီးပါတယ်။ ကိုယ့်ဘက်ကစပြီး လက်ဆွဲနှုတ်ဆက်မှာလား၊ သူ့ဘက်ကစမှာလား Technique လေးတွေ မှန်ကန်မှသာသူများတွေကဒီလူဟာ […]
Posted On September 2, 2020, By CEO Editors

လုပ်ငန်းခွင်မှာပရော်ဖက်ရှင်နယ်မဆန်တဲ့ အကျင့် ၂၄ မျိုး

သင့်လုပ်ဖော်ကိုင်ဖက်တွေ စိတ်ညစ်အောင်လုပ်တာဟာ မကောင်းပေမယ့်သိပ်ပြဿနာမရှိပါဘူး။ သင့်အလုပ်ရှင်စိတ်ညစ်အောင်လုပ်တာကတော့သင့်ကို အလုပ်ပြုတ်စေနိုင်ပြီး ပရော်ဖက်ရှင်နယ်မဆန်တဲ့သူဖြစ်စေမှာပါ။ သင့်အတွက်အကောင်းဆုံးဖြစ်အောင် ဒီလိုအကျင့်ဆိုးတွေကိုရှောင်ရှားဖို့ကျွမ်းကျင်သူတွေ ထောက်ပြတဲ့အကျင့်ဆိုး ၂၄ မျိုးကိုစုစည်းဖော်ပြအပ်ပါတယ်။ ၁။ အလုပ်ကိုနောက်ကျရောက်ခြင်း။ အချိန်တိကျမှုဟာ အရေးကြီးပါတယ်။ အချိန်အတိအကျရောက်တာကပရော်ဖက်ရှင်နယ်ပီသပါတယ်။ သင့်ကုမ္ပဏီက သင့်ကိုဒီရာထူးကို လက်လွတ်စပယ်ခန့်ခဲ့တာမဟုတ်ပါဘူး။ ၂။ အစည်းအဝေးတိုင်းကို ဆယ်မိနစ်နောက်ကျရောက်ခြင်း။ အလားတူပဲအစည်းအဝေးကို သင်နောက်ကျရောက်ရင်အချိန်မီရောက်နှင့်တဲ့ သင့်လုပ်ဖော်ကိုင်ဖက်တွေေရော အစည်းအဝေးစီစဉ်သူကပါ သင့်ကိုလေးစားမှာမဟုတ်ဘူး။ ကိုယ့်ကိုသူများတွေ မျော်ရအောင်လုပ်တာဟာ ငဲ့ညှာစိတ်ကင်းမဲ့ကာရိုင်းပျပြီးလူပါးဝရာကျပါတယ်။ ၃။ အချိန်ပြည့်အပျက်သဘောဆောင်ခြင်း။ ”အဲဒါတော့ ဖြစ်မှာမဟုတ်ဘူး”၊”အဲဒါကတော့ အတော်လုပ်ရခက်မယ့်ပုံပဲ၊ ဒါမှမဟုတ် ”ဘယ်ကစလုပ်ရမှန်း ကျွန်တော်/ကျွန်မမသိဘူး” စသဖြင့် အပျက်သဘောဆန်တဲ့ စကားတွေနဲ့တုံ့ပြန်တာက သင်ဟာပူးပေါင်းဆောင်ရွက်တတ်သူမဟုတ်မှန်း ပေါ်လွင်စေတယ်။ အလားတူ ညည်းညူရုံနဲ့ပဲ သင့်ရဲ့သိက္ခာကျပါတယ်။ ”လူတိုင်းညည်းချင်ပေမယ့် ညည်းတာကပရော်ဖက်ရှင်နယ်မဆန်ပါဘူး။နေ့တိုင်းတစ်နေကုန်သင်ဗျစ်တောက်ဗျစ်တောက်ပြောနေရင်သူများတွေ ကသင့်ကိုရှောင်ကြလိမ့်မယ်။ Career Builder ရဲ့စစ်တမ်းအရ အလုပ်ရှင် ၆၂ ရာခိုင်နှုန်းဟာ […]
Posted On September 2, 2020, By CEO Editors

၀င်ရောက်နှောင့်ယှက်ဟန့်တားပါ

မန်နေဂျာများအတွက် ဆွန်ဇူးရဲ့စစ်ဆင်ရေးပညာ ယခင်လမှအဆက် ရှိရှိသမျခွန်အားတွေကို နည်းဗျူဟာဆိုင်ရာကိစ္စတွေအတွက်သာ ပုံအောသုံးစွဲနေကြသူများဟာ ရေတိုအကျိုးစီးပွားကိုသာ ကြည့်လုပ်နေကြသူတွေဖြစ်တယ်။ ရေရှည်မျော်မှန်းချက်ထားတဲ့ မဟာဗျူဟာအောင်မြင်ရေးအတွက် လုပ်ကိုင်ဆောင်ရွက်နေကြသူများဟာ နောက်ဆုံးမှာရေတိုသမားများကို ကျော်လွှားလွှမ်းမိုးသွားကြမှာဖြစ်တယ်။ မိမိတို့ရဲ့ကုန်ပစ္စည်းများ ရောင်းထွက်ရေးနဲ့ကြော်ငြာရေးတွေမှာ ရေတိုနည်းပညာကို အလွန်အကျူးအသုံးပြုနေကြတာကို တွေ့နိုင်တယ်။ သူတို့ဟာ လောလောဆယ်ကုန်ပစ္စည်းရောင်းထွက်ရေးကိုပဲ အာရုံစိုက်ကြတယ်။ ရေရှည်ရောင်းသွားနိုင်ရေးနဲ့ ဖောက်သည်တွေနဲ့ ရေရှည်ဆက်သွယ်သွားနိုင်ရေးကိုထည့်မတွက်ကြဘူး၊ ဈေးချိုတယ်ဆိုတဲ့အချက်ကိုပဲ အာရုံစိုက်နေကြတယ်။ ဒါနဲ့ပတ်သက်ပြီး သတိပြုရမယ့်အချက်တစ်ချက်ရှိတယ်။ အဲဒါကတော့ဝယ်သူတွေဟာ ဈေးချိုလို့ဝယ်ကြတာမဟုတ်ဘူး၊ ရောင်းသူတွေကသာ ဈေးကိုအဓိကထားရောင်းနေကြတယ်ဆိုတဲ့အချက်တွေပဲဖြစ်တယ်။ ရေရှည်ရည်မှန်းချက်ကို မှန်ကန်စွာထည့်သွင်းရေးဆွဲထားတဲ့ မဟာဗျူဟာတစ်ရပ်ဟာ လောလောဆယ်ရရှိတဲ့အကျိုးအမြတ်နဲ့ ပဋိပက္ခဖြစ်နေနိုင်ပါတယ်။ ရေရှည်အတွက်ရေးဆွဲထားတဲ့ မဟာဗျူဟာသဘောတရားအရ မှန်ကန်တယ်ဆိုပေမယ့် ကြားကာလမှာ ရေတိုနည်းတွေသုံးရင်း ရှိသမျငွေအား၊ လူအားတွေကုန်ခန်းသွားနိုင်တယ်။ စစ်ပွဲတွေကို နည်းဗျူဟာသုံးပြီးအောင်နိုင်ပါတယ်။ ဒါပေမဲ့ စီးပွားရေးလုပ်ငန်းတွေမှာတော့ ရေရှည်အောင်မြင်ရေးအတွက် မဟာဗျူဟာနဲ့ နည်းဗျူဟာတို့ကို မှန်ကန်မျတစွာသုံးစွဲသွားမှရနိုင်တယ်။ ရေရှည်မဟာဗျူဟာအရအကျိုးအမြတ်ရရှိရေးအတွက်အတွေးနဲ့အလုပ်ကို မှန်မှန်ကန်ကန် ပေါင်းစပ်တတ်ဖို့လိုတယ်။ […]
Posted On August 26, 2020, By CEO Editors

လူတိုင်း ချမ်းသာနိုင်ပါသည်

ကမ္ဘာကျော်ရင်းနှီးမြှုပ်နှံသူ Warren Buffett က မည်သူမဆိုချမ်းသာနိုင်ပါသည်ဟုဆိုလေသည်။ ငွေကြေးအနည်းငယ်နှင့်လွန်ခဲ့သည်နှစ်ပေါင်း ၅၈ နှစ်ကျော်မှ စတင်ကာစနစ်တကျရင်းနှီးမြှုပ်နှံခဲ့သဖြင့် ကမ္ဘာ့အချမ်းသာဆုံးစာရင်းဝင်သူ Warren Buffett အနေဖြင့် ရေရှည်ရင်းနှီးမြှုပ်နှံမှုကို ဦးစားပေးခဲ့သူဖြစ်ပါသည်။ ဤသို့အောင်မြင်ခဲ့ခြင်း၏ အခြေခံအကြောင်းရင်းများအနက် စည်းကမ်းရှိခြင်း၊ တစ်နည်းအားဖြင့် စိတ်ရှည်ခြင်း၊ လောဘသတ်နိုင်ခြင်း၊ အခြေခံကျကျတွေးခေါ်နိုင်ခြင်းနှင့် အခြေအနေကို စနစ်တကျ အချိန်ပေးလေ့လာခြင်းတို့၏ရလဒ်များပင်ဖြစ်ပါသည်။ အရောင်းတာဝန်ခံတစ်ဦး၏သားဖြစ်သူ Warren Buffett အနေဖြင့် ငယ်စဉ်ကတည်းက ပိုက်ဆံရှာတတ်လေသည်။ ငါးနှစ်သားအရွယ်တွင်သူသည် အိမ်ရှေ့တွင်စားပွဲခင်း၍ လမ်းသွားလမ်းလာများကို ပီကေရောင်းချခဲ့ပြီး လူသွားလူလာများသော သူငယ်ချင်းတစ်ဦး၏အိမ် ရှေ့တွင်သံပရာရည်ရောင်းချခြင်းဖြင့် ဝင်ငွေရှာဖွေခဲ့ပါသည်။ ငွေရှာခြင်းထက် ချမ်းသာလိုသည့်စိတ်ဖြင့် လုပ်ဆောင်ခဲ့ပါသည်။ မူလတန်းကျောင်းသားဘဝကတည်း က အသက် ၃၅ နှစ်မတိုင်မီတွင် ချမ်းသာရမည်ဟု ကြွေးကြော်ခဲ့ပါသည်။ ဂေါက်ကွင်းတွင် လှည့်လည်၍ ပြန်ရောင်းနိုင်သော ဘောလုံးများရှာဖွေခြင်း၊ မြင်းပွဲတွင်အမှတ်မထင် စွန့်ပစ်ထားသော […]
Posted On August 24, 2020, By CEO Editors
1 2 3 87