အလုပ်အင်မတန်များသူတွေအတွက် စားသောက်မှု မျှတစေဖို့
စိတ်ဖိစီးမှုလွန်ကဲပြီး အနားယူမှုပါ နည်းပါးနေမယ်ဆိုရင် ကျန်းကျန်းမာမာနေနိုင်ဖို့ကတော့ ရိုးရှင်းတဲ့နည်းလမ်းတွေပဲ အသုံးပြုမယ်ဆိုတာ တွေးထားသင့်ပါတယ်။ ကျန်းမာရေးနဲ့ညီညွတ်စွာ စားသောက်ခြင်းရဲ့ အဓိကသော့ချက်ကတော့ မျှမျှတတ၊ အမျိုးအစားစုံစုံလင်လင်နဲ့ အသင့်အတင့်လုံလောက်စွာ စားသောက်ဖို့ပဲ ဖြစ်ပါတယ်။ အကျဉ်းချုံးပြောရရင်တော့ ကယ်လိုရီ အများကြီးမရစေဘဲ၊ ဒါမှမဟုတ် အာဟာရတစ်မျိုးတည်း အများအပြားမပါစေဘဲ စုံလင်စွာ စားသောက်ရမှာဖြစ်ပါတယ်။ တကယ်လို့ သင်ဟာ ခန္ဓာကိုယ်နဲ့စိတ်ကို ပုံမှန်အနားယူမှုမပေးနိုင်ဘဲ အင်မတန်ကိုအလုပ်များတဲ့အလုပ်မှာ စီမံခန့်ခွဲနေရတဲ့သူတစ်ယောက် ဆိုရင် အခုပြောမယ့်စားသောက်မှုပုံစံတွေကို လိုက်နာရုံမကဘဲ သင့်လိုလူမျိုးတွေကိုလည်း မျှဝေပေးပါ။
၁ ကယ်လိုရီဘယ်လောက်လိုအပ်လဲ
ကယ်လိုရီဘယ်လောက်လိုအပ်လဲဆိုတာ သိထားဖို့ လူတစ်ယောက်အတွက် အလွန်အရေးကြီးပါတယ်။ လိုအပ်မှုကတော့ တစ်ရက်ကိုပျမ်းမျှ ၁၈၀၀ ကယ်လိုရီပါ။ အဲဒီကယ်လိုရီပမာဏကို အခြေခံပြီး အလေးချိန်လျှော့တာ၊ တက်တာ စတဲ့ အလေးချိန် ထိန်းညှိတာတွေကို ပြုလုပ်ရမှာပါ။ ဘယ်အစား အသောက်က သင့်လိုအပ်မှုမှာ အသင့်တော်ဆုံးဖြစ်မယ်ဆိုတာကို အစား အသောက်နဲ့ အာဟာရပညာရှင်တွေနဲ့ ဆွေးနွေးနိုင်ပါတယ်။
၂ သစ်သီးနဲ့ဟင်းသီးဟင်းရွက်စားသုံးပါ
အသီးအနှံတွေမှာ ခန္ဓာကိုယ်အတွက် အကျိုးရှိစေတဲ့ အမျှင်ဓာတ် တွေ၊ ဗီတာမင်တွေနဲ့ ဗညအငသထငိညေအ တွေ အများအပြား ပါဝင်ပါ တယ်။ အစာအိမ်ကို မြန်မြန်ပြည့်သွားစေပါတယ်။ ကယ်လိုရီပါ ၀င်မှုနည်းတဲ့အတွက် ကယ်လိုရီစားသုံးမှုလျှော့ချရာမှာလည်း အ ထောက်အကူပြုပါတယ်။ သစ်သီးတွေကို တစ်နေ့သုံးလေးကြိမ် အ နည်းဆုံး၊ ဟင်းသီးဟင်းရွက်တွေကို လေးကြိမ်ကနေ ငါးကြိမ်လောက် အနည်းဆုံးစားသုံးသင့်ပါတယ်။ အဆင်ပြေတဲ့အသီးအနှံတွေကို ကြိုက် နှစ်သက်သလိုစားသုံးနိုင်ပြီး သစ်သီးဖျော်ရည်ကိုလည်း မမေ့ပါနဲ့။
၃ စားသောက်မှုအချိုးအစားကို ထိန်းပါ
သင့်တင်တဲ့ပမာဏသာ စားသောက်ပြီး အဲဒီအချိုးအစားကို ထိန်းသိမ်း ထားမယ်ဆိုရင် စားချင်တဲ့ အစားအသောက်ကိုစားပြီး ကျန်းမာဖို့အ တွက် ပိုမိုလွယ်ကူစေပါတယ်။ စားသောက်ဆိုင်အများစုဟာ ဟင်းပွဲ တစ်ပွဲကို နှစ်ယောက်သုံးယောက်စာ ပြင်ဆင်ပေးလေ့ရှိပါတယ်။ အဲဒီ အစားအသောက်တွေကို ကုန်စင်အောင် စားပစ်ဖို့မကြိုးစားဘဲ ပိုလျှံ သွားတာတွေကို ပါဆယ်ထုပ်သွားသင့်ပါတယ်။
၎ မနက်စာကို သေချာစားသုံးပါ
ဦးနှောက်ရဲ့အဓိကစွမ်းအင်ရင်းမြစ်က ဂလူးကို့စ်ဖြစ်ပြီး အသုံးပြုဖို့အတွက် စုဆောင်းထားတာမျိုး မရှိပါဘူး။ မနက်စာစားသုံးတာက တစ်နေ့တာလုံးမှာ ကောင်းမွန်စွာ အာရုံစူးစိုက်နိုင်ပြီး ပြဿနာတွေ ဖြေရှင်းနိုင်စွမ်းကိုလည်း တိုးတက်စေပါတယ်။ ဒါ့အပြင် မနက်စာကို မစားသုံးတဲ့သူတွေထက် ကယ် လိုရီနဲ့အဆီကို တစ်နေ့တာလုံးအတွက် နည်းနည်းသာစုပ်ယူဖို့ လိုပါတယ်လို့ လေ့လာမှုတွေက တွေ့ရှိရပါတယ်။ မနက်စာ စားလေ့မရှိတဲ့သူဆိုရင်တော့ ဒိန်ချဉ် တစ်ခွက်ဖြစ်ဖြစ်၊ အသီးအနှံတစ်မျိုးမျိုးဖြစ်ဖြစ် စတာတွေကနေ အလေ့အကျင့်စလုပ်သင့်ပါတယ်။ အဆီအများအပြားပါတဲ့ အသားတွေ၊ အကြော်တွေ စတဲ့ မနက်စာအလွန်အကျွံစားသုံးမှုကိုတော့ ရှောင်ကြဉ်သင့်ပါတယ်။
၅ နေ့လယ်စာကို အချိန်ယူ၍ မျှမျှတတစားပါ
အလုပ်တအားများသူအတွက် နေ့လယ်စာဟာ ကွန်ပျူတာရှေ့မှာပဲ ဖြစ်သလို စားဖြစ်သွားတဲ့အခါတွေရှိပါတယ်။ အနားယူဖို့အချိန်ဟာ အရေးကြီးသလို နေ့လယ်စာစားဖို့အတွက် အချိန်ယူတာဟာလည်း မရှိမဖြစ်လိုပါတယ်။ ဘာ ကြောင့်လဲဆိုတော့ ကွန်ပျူတာရှေ့မှာ အလုပ်လုပ်ရင်းစားမယ်ဆိုရင် အလုပ်ထဲမှာ စိတ်ရောက်နေပြီး အစားအစာပေါ် အာရုံမထားမိတော့တဲ့အတွက် ခန္ဓာကိုယ်က ဗိုက်ပြည့်တာကိုမသိတော့ဘဲ ဆက်စားမိနေတဲ့အခါ ကိုယ်အလေးချိန်တွေ တက်လာ တတ်ပါတယ်။ အချိန်သီးသန့်ယူပြီး စားသောက်တဲ့အခါမှာလည်း ပရိုတိန်းဓာတ်များများ၊ အသီးအရွက်များများ၊ အာဟာရမျှမျှ တတ စားသင့်ပါတယ်။ ဒါမှသာ အလုပ်လုပ်တဲ့အခါ ခွန်အားနဲ့အာရုံစူးစိုက်မှု ပိုမိုကောင်းမွန်ပြီး ကိုယ်အလေးချိန်ကိုလည်း ထိန်းထားရာ ရောက်ပါတယ်။
၆ ပါဝင်တဲ့ပမာဏတွေကို နားလည်ပါ
အဆီမပါတဲ့အစားအစာလို့ ရေးထားပေမဲ့ ကယ်လိုရီ နည်းနည်းသာပါ တယ်လို့ မဆိုလိုပါဘူး။ ထို့အတူ သကြားဓာတ်နဲ့ ကာဘိုဟိုက်ဒြိတ် ပါဝင်မှု နည်းတယ်လို့ ရေးထားတာကလည်း အဆီနဲ့ကယ်လိုရီနည်းတယ်လို့ မဆို လိုပါဘူး။ ထုပ်ပိုးထားတဲ့အရာမှာရေးထားတဲ့ အာဟာရပမာဏတွေကို အမြဲ ဖတ်ပါ။
၇ လျှော့စားပါ။ လုံးဝမစားတာမျိုး မဖြစ်ပါစေနဲ့
လူအများစုဟာ အာဟာရအတွက်သာမက ပျော်ရွှင်မှုအတွက် လည်း စားသုံးတတ်ကြပါတယ်။ အကြိုက်ဆုံးအစားအစာတွေကို လုံးဝမရှောင်သင့်ပါဘူး။ စိတ်အလို လိုက်တဲ့အခါမှာ ပမာဏ နဲ့အကြိမ်အရေအတွက်တော့သတိထားပါ။ သင်ကြိုက်တဲ့အ စားအစာနည်းနည်းပဲ စားသုံးတာဟာ ကိုယ်အလေးချိန်လျှော့ တဲ့အခါ အထောက်အကူဖြစ်ပါတယ်။ အကြိုက်ဆုံးအစားအစာ ကို လုံးဝဖြတ်လိုက်တာဟာ တစ်ချိန်မှာ အများကြီး စားလိုက် နိုင်ပါတယ်။ မလိုင်၊ ဒါမှမဟုတ် အဆီနည်းတဲ့နို့ထွက်ပစ္စည်းတွေ၊ အသားတွေကို စားသုံးတာကလည်း အဆီစားသုံးမှုကို လျှော့ ချနိုင်ပါတယ်။ ကြက်ကြော် တအားကြိုက်တယ်ဆိုရင်လည်း အကြိမ်အရေအတွက်ကို ပုံမှန်ထက်လျှော့စားပါ။ ဆိုင်မှာစား ရင်လည်း သူငယ်ချင်းနဲ့အတူ စားတာဖြစ်ဖြစ်၊ အိမ်ကို ပါ ဆယ်ထုပ် ပြန်သယ်တာဖြစ်ဖြစ် လျှော့စားသင့်ပါတယ်။
၈ အချိုရည်နဲ့ ကဖင်းဓာတ်ပါတဲ့အရည်တွေကို ထိန်းပါ
ဖျော်ရည်၊ ကရင်မ်နဲ့ သကြားတွေပါဝင်တဲ့ ကော်ဖီ၊ လက်ဖက်ရည်တွေ အားလုံး ပေါင်းလိုက်ရင် အရည် ရှစ်ခွက်ကနေ ဆယ်ခွက်လောက် သောက်ဖြစ်ပါလိမ့်မယ်။ သူတို့ဟာ အရည်ဓာတ်ကို ဖြည့်ပေးရုံသာမက ဆာလောင်မှုကိုလည်း လျော့စေပါ တယ်။ များသောအားဖြင့် မနက်စာကို သေချာမစားဘဲ ကော်ဖီကိုသာ သောက်သုံး ကြပါတယ်။ လူတွေဟာ လန်းဆန်းသွားစေတဲ့ ကဖင်းဓာတ်ကို မှီခိုလာကြပါတယ်။ မကောင်းတဲ့ အချက်ကတော့ ဒီလိုလန်းဆန်းစေတာဟာ ခဏပဲခံပြီး လန်းဆန်းမှုကို လျော့ကျသွားကာ ကဖင်းဓာတ်ကို ပိုလိုလာစေပါတယ်။ ဒါ့အပြင် ကဖင်းဓာတ်ဟာ ဆဲလ်တွေထဲက အရည်ကိုဆွဲယူပြီး ခန္ဓာကိုယ်ကို ရေဓာတ်ခန်းခြောက်စေပါတယ်။ ရေဓာတ်ခန်းခြောက်တဲ့ လက္ခဏာတွေကတော့ ပင်ပန်းနွမ်းနယ်တာ၊ အာရုံစူးစိုက်မှုလျော့နည်းသွားတာ၊ စိတ်တိုလာတာတို့ ဖြစ်ပါတယ်။ ဒါကြောင့် ကဖင်းပါတဲ့ အရည်တွေကို တစ်နေ့တစ်ခွက်လောက်သာ သောက်သုံးပြီး ရေကိုသာ များများသောက်သင့်ပါတယ်။
၉ လေ့ကျင့်ခန်းလုပ်ပါ
ကျန်းမာရေးအတွက် တစ်နေ့ကို မိနစ် ၃၀ ကနေ မိနစ် ၄၀ လောက် ကိုယ်လက်လှုပ်ရှားမှုလေ့ကျင့်ခန်း ပြုလုပ်သင့်ပါတယ်။ တစ်ပတ်မှာ နှစ်ကြိမ်လောက် ကိုယ်အလေးချိန်ထိန်းမယ့် လေ့ကျင့်ခန်းတွေ ထပ် ပေါင်းပြီး မလိုအပ်တဲ့ကယ်လိုရီတွေကို လောင်ကျွမ်းစေလိုက်ပါ။
၁၀ အာဟာရပြည့်ဝတဲ့အစားအသောက်မျိုးစုံစားပါ
ကျန်းမာရေးကောင်းမွန်ဖို့အတွက် အာဟာရပေါင်း အမျိုး ၄၀ ကျော်လောက် လိုအပ်ပါတယ်။ အစားအစာတစ်ခုထဲက အာဟာရပေါင်းစုံမပေးနိုင်တဲ့အတွက် သင့်တစ်နေ့တာ အစားအသောက်ထဲမှာ အသား၊ ငါး၊ ပရိုတိန်းဓာတ် ကြယ် ၀တဲ့ အစားအစာတွေ၊ နို့ထွက်ပစ္စည်းတွေ၊ အသီးအနှံဟင်းသီးဟင်းရွက်တွေ စတဲ့ အစားအသောက်မျိုးစုံကို ကယ်လိုရီလိုအပ်မှုနဲ့ကိုက်ပြီး စားသောက် ပါ။
၁၁ လတ်ဆတ်တဲ့အစားအစာတွေကိုသာ စားပါ
လတ်ဆတ်တဲ့အစားအစာတွေကို ၀ယ်ယူစားသုံးပြီး ပြင်ဆင်ထုပ်ပိုးထားတဲ့ အရန်သင့်အစားအသောက်တွေကို ရှောင်ကြဉ်စားသောက်သင့်ပါတယ်။ အရန် သင့်အစားသောက်တွေဟာ ဆိုဒီယမ်နဲ့ အဆီပါဝင်မှုနှုန်းများလို့ပါ။ အပြင်က အစားအသောက်တွေမစားဘဲ အိမ်မှာချက်ပြုတ်တဲ့အစားအသောက်တွေကို စားပြီး ကိုယ်အလေးချိန်ကို ထိန်းထားနိုင်တယ်ဆိုတာ အံ့သြစွာတွေ့ရပါလိမ့်မယ်။
၁၂ စပါး၊ ပဲ၊ ပြောင်း၊ ဂျုံတွေလည်း မမေ့ပါနဲ့
ပေါင်မုန့်၊ ဆန် စတဲ့အစားအသောက်တွေလည်း စားသောက်သင့်ပါတယ်။ ဒီဂျုနဲ့ စပါး အခြေခံတဲ့ အစားအသောက်တွေမှာ အဆီနဲ့ ကယ်လိုရီပါဝင်မှု နည်းပါးပါတယ်။
၁၃ နို့နဲ့ နို့ထွက်ပစ္စည်းတွေလည်း မမေ့ပါနဲ့
တစ်နေ့တာကယ်လ်စီယမ်လိုအပ်မှုကို ဖြည့်တင်းဖို့အတွက် နို့၊ ဒိန်ချဉ်၊ ချိစ် စတဲ့ နို့ထွက်ပစ္စည်းတွေ အဆီဓာတ်နည်းတဲ့ နို့ထွက်ပစ္စည်းတွေကို စားသုံးပါ။
၁၄ နပ်မှန်အောင် စားပါ
အစာကို နည်းနည်းနဲ့ အကြိမ်ကြိမ်စားသုံးတာက ကယ်လိုရီစားသောက်မှုပမာဏကို ညီမျှစေတဲ့အပြင် သွေးတွင်းသကြားဓာတ် ကိုလည်း ထိန်းညှိပေးပါတယ်။ တစ်နေ့သုံးကြိမ်ကို ပမာဏများများစားမယ့်အစား ငါးကြိမ်ခြောက်ကြိမ်ကို နည်းနည်းသာ စားသင့်ပါတယ်။
၁၅ အစားအစာကို အခြေအနေလိုက်ပြီး မျှတအောင် စားပါ
အစားအသောက်တိုင်းက ဏနမ်နခအ ဖြစ်နေဖို့ မလိုပါဘူး။ အဆီဓာတ်၊ သကြားဓာတ်များတဲ့အစားအသောက်တွေ စားမိရင် အခြားအစားအစာတွေမှာ အဲဒီဓာတ်တွေနည်းတာကို စားသောက်ပါ။ ဒီနေ့မှာ အာဟာရအုပ်စုတစ်ခု မစားမိလိုက်ရင် နောက်နေ့မှာ ပြန်ဖြည့်စားပါ။ စားသောက်ရာမှာ ရက်ဖြည့်စားပြီး မျှတတဲ့စားသောက်မှုပုံစံဖြစ်အောင် ကျင့်ယူပါ။
၁၆ ဖြည်းဖြည်းချင်းလေ့ကျင့်ယူပါ
မျှမျှတတ စားသောက်တော့မယ်ဆိုရင် စားသောက်မှုပုံစံပြောင်းတဲ့အခါ လုံးဝတစ်ခါတည်း မစားတော့တာမျိုး မဖြစ်ပါနဲ့။ အဆီ ဓာတ်များတဲ့ ကရင်မ်တွေအစား နို့၊ အဆီဓာတ်နည်းတဲ့ Mayomaise လိုမျိုး ပြောင်းလဲလိုက်ပါ။
အရေးကြီးဆုံးကတော့ A သုံးလုံးပါ။ Adjust ထိန်းညှိ စားသောက်ပါ။
Adop ကိုယ်ပိုင်နည်းလမ်းနဲ့ စားသောက်ပါ။ Accomodate လိုက်လျောညီထွေ စားသောက်ပါ။
သွင်ထူး