၂၀၁၇ ခုနှစ်မှာ သင့်ဘ၀ကို ပြောင်းလဲစေမယ့်စာအုပ် ၈အုပ်
၂၀၁၇ခုနှစ်အတွင်းမှာစိုးရိမ်ပူပင်တာ၊ပင်ပန်းနွမ်းနယ်တာ၊လွှမ်းမိုးခံရတယ်လို့ အောက်မေ့တာတွေကိုရပ်ဆိုင်းကာသင့်လုပ်ငန်းမှာထူးချွန်ပြောင်မြောက်တဲ့စွန့်စားခန်းအတွက်ဘ၀ရဲ့အခွင့်အလမ်းတွေကို ထွေးပွေ့လက်ခံဖို့ စတင်ပြီး နေ့စဉ်သင်စိတ်ချမ်းသာအောင်ကူညီလမ်းပြပံ့ပိုးပေးမယ့် စာအုပ်ရှစ်အုပ်ကို ဖော်ပြပေးလိုက်ပါတယ်။တစ်နည်းအားဖြင့်ပြောရရင်ဒီစာအုပ်တွေကသင့်ဘ၀ကို ပြောင်းလဲသွားစေပါလိမ့်မယ်။
1. Emotional Agility
by Susan David
ဒီစာအုပ်ထဲမှာဟားဗတ်ဆေးတက္ကသိုလ်မှစိတ်ပညာရှင် Susan ကစာဖတ်သူတွေအနေနဲ့ ကိုယ့်ခံစားချက်တွေကို ကြောက်ခြင်း၊ချုပ်တည်းနှိပ်ကွပ်ခြင်း၊ဒါမှမဟုတ်ချက်ချင်းလက်တွေ့လုပ်ခြင်းပြုမယ့်အစားခံစားချက်တွေကိုသုံးသပ်ဆင်ခြင်ဖို့ သင်ကြားပေးပါတယ်။သင့်ရဲ့ပုဂ္ဂိုလ်ရေးတန်ဖိုးတွေအကြောင်းအရေးကြီးတဲ့သတင်းအချက်အလက်ကိုသင်တူးဆွနိုင်ရင် ပြည့်ဝတဲ့ဘ၀ကိုသင်ဖန်ဆင်းဖို့ အကူအညီရပါလိမ့်မယ်။စာဖတ်သူတွေဟာကလေးတစ်ယောက်နဲ့ စကားပြောသလိုမျိုးသူတို့ဘာသာစကားပြောရမယ်လို့လည်း Susan ကသင်ပေးပါတယ်။သင်စိတ်ဆိုးတဲ့အခါ၊ဒါမှမဟုတ်ဝမ်းနည်းတဲ့အခါ၊ဒါမှမဟုတ်ဘာပဲဖြစ်နေနေ ''ငါ့ခံစားချက်အတွက်တခြားရွေးချယ်မှုနှစ်ခုကဘာတွေလဲ'' လို့ သင့်ဘာသာ ပြန်မေးပါတဲ့။ ယေဘုယျအားဖြင့်သင်စိတ်မချမ်းသာတဲ့အခါစိတ်ချမ်းသာအောင်သင့်ဘာသာဇွတ်လုပ်ယူပါ။မဟုတ်ရင်အနုတ်လက္ခဏာခံစားချက်တွေကိုသင်ဘာမှအကဲမဖြတ်ဘဲလက်ခံချင်ပါလိမ့်မယ်။သင်ကတင်းခံလေအဲဒီအနုတ်လက္ခဏာခံစားချက်တွေကပိုအားကောင်းလေ ဖြစ်လာမှာကြောင့်ပါပဲ။
2. Peak
by Anders Ericsson and Robert Pool
ဖလော်ရီဒါတက္ကသိုလ်မှစိတ်ပညာရှင် Ericsson ကဒီစာအုပ်မှာဘယ်လုပ်ငန်းနယ်ပယ်မဆိုအတော်ဆုံးဖြစ်ဖို့ လမ်းကြောင်းတစ်ခုပဲရှိတယ်ဆိုတဲ့စိတ်ကူးအတွက်သိပ္ပံနည်းနဲ့ ပုံတိုပတ်စအထောက်အထားတွေချပြထားပါတယ်။ Ericsson နဲ့ သူ့လုပ်ဖော်ကိုင်ဖက်တွေကဆင်ခြင်ပြုမူပြောဆိုလေ့ကျင့်နည်းအရသင်သက်သောင့်သက်သာနေမယ့်အစားလက်ရှိသင့်လုပ်နိုင်စွမ်းကို ကျော်လွန်တဲ့လှုပ်ရှားမှုတွေလုပ်ဖို့ လမ်းပြမယ့်ဆရာတစ်ယောက်နဲ့ လက်တွဲခိုင်းပါတယ်။ပင်ကိုစွမ်းရည်နဲ့ မျိုးဗီဇဆိုင်ရာအကြောင်းတရားတွေဟာသင့်ရဲ့တိုးတက်မှုနဲ့ တစ်နည်းနည်းအကျိုးအကြောင်းဆက်စပ်နေတယ်လို့ Ericsson ရဲ့စောဒကတက်မှုဟာတကယ်အငြင်းပွားစရာအပိုင်းဖြစ်ပါတယ်။အဲဒါကိုစိတ်ပညာရှင်တချို့ကလက်မခံကြဘူး။ Peak မှာပဟေဠိအဆန်ဆုံးအပိုင်းက လေ့ကျင့်မှုဟာ ပျော်စရာကောင်းဖို့ မလိုကြောင်း Ericsson ရဲ့ ထောက်ပြချက်ဖြစ်ပါတယ်။သင်ပျော်နေရင်သင်လုပ်နေတာတွေလွဲနေသေးလို့ပဲတဲ့။သူဆိုလိုတာကသင်ရှုံးနိမ့်ပြီးမကျေမချမ်းဖြစ်မှဘာပဲဖြစ်ဖြစ် နောက်တစ်ခါသင်ထပ်ကြိုးစားမှာ ဖြစ်ပါတယ်။
3. I Know How She Does It
by Laura Vanderkam
စာရေးသွက်တဲ့စာရေးဆရာမ Laura ရဲ့ဒီစာအုပ်ဟာသင့်အချိန်တွေကိုစီမံခန့်ခွဲဖို့နဲ့ အဓိပ္ပာယ်ရှိတဲ့ဘ၀တစ်ခုကိုဖန်တီးဖို့ အကောင်းဆုံးနည်းလမ်းတွေကိုစုံစမ်းထောက်လှမ်းထားတာ ဖြစ်ပါတယ်။ Laura ဟာ Mosaic Project ဆိုတဲ့စီမံကိန်းနဲ့လစာအများဆုံးရတဲ့အမျိုးသမီးဒါဇင်ပေါင်းများစွာရဲ့အချိန်မှတ်တမ်းတွေကိုအကဲခတ်သုံးသပ်ပြီးသူတို့ရဲ့နေ့ရက်တွေအသုံးပြုဖို့ ပုံစံကွက်တွေကိုရှာဖွေပါတယ်။ပြီးမှကျားမမရွေး၊လစာအနည်းအများမသက်ဆိုင်ဘဲစာဖတ်သူအားလုံးအတွက်လက်တွေ့သင်ခန်းစာတွေထဲကိုအဲဒီပုံစံကွက်တွေထဲ ရောစပ်ထည့်သွင်းထားပါတယ်။
4. The Gratitude Diaries
by Janice Kaplan
Parade မဂ္ဂဇင်းရဲ့အယ်ဒီတာဟောင်း Janice ဟာသူ့ရဲ့အိမ်ထောင်ရေးကအစသူ့ရဲ့အလုပ်နဲ့ သူ့ရဲ့ကျန်းမာရေးအထိသူမဘ၀ရဲ့ကဏ္ဍအားလုံးမှာ ကျေးဇူးဆပ်ဖို့ တစ်နှစ်လုံးကြိုးစားခဲ့ပါတယ်။ ကျေးဇူးဆပ်စရာကိစ္စတွေမိမိမှာရှိကြောင်းသတိပြုမိတဲ့ Janice ကဒီစာအုပ်ထဲမှာ ကျေးဇူးသိတတ်ရုံမျှဖြင့်သူဟာပိုစိတ်ချမ်းသာတဲ့လူတစ်ဦးဘယ်လိုဖြစ်လာသလဲဆိုတာခပ်သွက်သွက်ကလေး ရေးထားပါတယ်။
နမူနာတစ်ခုပြရမယ်ဆိုရင်တစ်ခါက Janice ရဲ့ခင်ပွန်းဖြစ်သူဆရာဝန်ဟာညသန်းခေါင်ကျော်မှာလူနာတစ်ဦးကို ပြေးကြည့်လို့ သူကဘ၀င်မကျဘဲဒါကိုစိတ်ဆိုးမိပေမယ့် ကျေးဇူးတင်စရာအကြောင်းရင်းကို တွေ့အောင်ရှာခဲ့တယ်။ ''ရှင့်လူနာအတွက်ရှင်ရှိနေတာသူကံကောင်းတယ်နော်။ရှင်လာနေမှန်းသူသိတော့သူ့ရောဂါတစ်ဝက်သက်သာသွားမှာပဲ။ရှင့်လိုဆရာဝန်တွေကမ္ဘာပေါ်မှာအများကြီးထပ်လိုအပ်သေးတယ်။ရှင်ဟာအခုလိုသီးသန့်ဖြစ်တဲ့အတွက်ရှင့်ကိုကျွန်မကျေးဇူးတင်ပါတယ်'' လို့ Janice ကခင်ပွန်းကို ပြောခဲ့ပါတယ်။
5. Year of Yes
by Shonda Rimes
Shonda ဟာဒီစာအုပ်ထဲမှာတစ်နှစ်ပတ်လုံးဘာမဆို 'ဟုတ်ကဲ့' (Yes) လို့ချည်းသူပြောခဲ့ပုံတွေကို ရေးပြထားပါတယ်။စိတ်မချမ်းသာ၊ကျန်းမာရေးမကောင်း၊အလုပ်တွေပိပြီးဘ၀ကိုအပြည့်အ၀မနေရမှန်းရိပ်မိတဲ့အခါသူဘွဲ့ယူခဲ့တဲ့ဒတ်မောက်ကောလိပ်ကျောင်းမှာနှုတ်ခွန်းဆက်မိန့်ခွန်းပြောကြားခြင်း၊ကိုယ်အလေးချိန် ပေါင်တစ်ရာခန့်လျှော့ချခြင်း၊သူ့သမီးတွေနဲ့ကစားဖို့ အချိန်ဖဲ့ပေးခြင်းအပါအ၀င်စွန့်စားခန်းမျိုးစုံလုပ်ဆောင်ကာလက်တွေ့စမ်းသပ်ခဲ့ပါတယ်။သင်ဟာ Shonda လုပ်တာမျိုးဆင်တူလုပ်ကြည့်ဖို့ ကျော်ကြားမှု၊ဒါမှမဟုတ် ငွေကြေးမလိုအပ်ပါဘူး။သင့်ဘ၀ကိုပိုကောင်းအောင် ပြောင်းလဲပေးနိုင်မယ့်ယုံကြည်မှုပဲလိုအပ်တယ်လို့ ဒီစာအုပ်ကလမ်းပြထားပါတယ်။
6. How To Stop Worrying and Start Living
by Dale Carnegie
၁၉၄၈ခုနှစ်ကထုတ်ခဲ့တဲ့ဒီစာအုပ်ဟာ Dale ရဲ့၁၉၃၆ခုနှစ်ကအရောင်းရဆုံးစာအုပ် How To Win Friends and Influence People ရဲ့အဆက်ဖြစ်ပါတယ်။ Dale ဟာနယူးယောက်မြို့က YMCA မှာသက်ကြီးပညာသင်ကြားရေးသင်တန်းပေးခဲ့စဉ်ကအတွေ့အကြုံတွေကိုမှီငြမ်းပြီးစိုးရိမ်သောကစိတ်ကိုအနိုင်ယူဖို့ သူတို့သုံးတဲ့အကြံဉာဏ်တွေကိုစုစည်းတင်ပြထားပါတယ်။အဲဒီအကြံဉာဏ်တွေဟာအခုထိမရိုးနိုင်သေးပါဘူး။ဥပမာ- ကိုယ့်သူဌေးဆီမချဉ်းကပ်ခင်အလုပ်ပြဿနာအပေါ်စိတ်ညစ်မနေဘဲအဖြေဖြစ်နိုင်တာတွေကိုစဉ်းစားရမယ်တဲ့။သင်ရရှိတဲ့အဖြေကြောင့်သင့်အလုပ်ရှင်ဆီသွားစရာလိုချင်မှလိုမှာပါ။ နောက်ပြီးသင်ဟာစိုးရိမ်ပူပင်မှုတွေရပ်စဲပြီး ရှေ့ကိုချီတက်သင့်တယ်။
7. Happier
by Tal Ben- Shahar
ဒီစာအုပ်ဟာစာရေးဆရာ Shahar ကဟားဗတ်တက္ကသိုလ်မှာသင်ကြားတဲ့အပြုသဘောစိတ်ပညာသင်ရိုးပေါ်အခြေခံထားတာ ဖြစ်တယ်။သူကသုတေသနပြုချက်တွေ၊သူ့ဘ၀ထဲမှအဖြစ်အပျက်တွေနဲ့ သူ့ရဲ့ဒဿနကျကျဉာဏ်အမြော်အမြင်တို့ကိုပေါင်းစပ်ပြီးစာဖတ်သူရဲ့နိစ္စဓူဝဘ၀မှာစိတ်ချမ်းသာမှုမွေးမြူနည်းကိုဒီစာအုပ်ထဲမှာတင်ပြထားပါတယ်။အလွယ်တကူနားလည်နိုင်တဲ့စိတ်ချမ်းသာမှုနမူနာပုံစံကိုသူကကမ်းလှမ်းထားတယ်။သင့်ဘ၀မှာပစ္စုပ္ပန်ရောအနာဂတ်ပါစိတ်ချမ်းသာအောင်ဘယ်လိုလုပ်ရမလဲရှင်းပြတယ်။သူပေးတဲ့အကြံဉာဏ်တွေကလက်တွေ့ဆန်တယ်။ဥပမာ – သင်မုန်းတဲ့အလုပ်ဟာသင့်အတွက်တစ်ခုတည်းသောဝင်ငွေရလမ်းဖြစ်ရင်အလုပ်မထွက်ဘဲ လေ့ကျင့်ခန်းလုပ်ခြင်း၊ဒါမှမဟုတ်သူငယ်ချင်းတွေနဲ့ အချိန်ဖြုန်းခြင်းတို့လိုအတွေ့အကြုံသေးသေးလေးတွေရှာပြီးလက်ရှိဘ၀ကိုပိုပြီးနေပျော်အောင်လုပ်ဖို့သူကအကြံပေးပါတယ်။
8. The Power of When
by Michael Breus
စိတ်ပညာရှင်/အိပ်စက်နည်းကျွမ်းကျင်သူ Michael Breus က Chronotypes သိပ္ပံပညာကိုလက်တွေ့ကျပြီးနားလည်လွယ်တဲ့ဘာသာစကားအဖြစ် ပြောင်းပေးတယ်။သင်ဟာမနက်ပိုင်းလူသားလား။ညပိုင်းလူသားလား။အဲဒီနှစ်မျိုးကြားကလူလား။အဲဒီဟာတစ်ခုခုဖြစ်နိုင်ခြေဟာသင့်ရဲ့ Chronotypes ဖြစ်တယ်။သင်ပင်ပန်းနေတဲ့အခါ၊သင်ဗိုက်ဆာနေတဲ့အခါ၊သင့်ရဲ့အကောင်းဆုံးအလုပ်ကိုလုပ်နေတဲ့အခါအဲဒါကသက်ရောက်မှုဖြစ်တယ်။
Michael ကတိရစ္ဆာန်လေးမျိုးနဲ့ Chronotypes တွေကိုခွဲခြားပြတယ်။လူအများစုဟာ နေ၀င်နေထွက်ချိန်ကိုသာလိုက်မှတ်တဲ့ဝက်ဝံတွေ၊တခြားလူတွေကအိပ်မပျော်ရောဂါသည်အဖြစ်မကြာခဏစစ်ဆေးတွေ့ရှိရတဲ့လင်းပိုင်တွေ၊ကျန်တာက၀ံပုလွေတွေခေါ်ညလူသားတွေ၊ပြီးတော့ ခြင်္သေ့တွေဒါမှမဟုတ်မနက်လူသားတွေဖြစ်ကြတယ်။ဒီတိရစ္ဆာန်လေးမျိုးအတွက်စံပြနေ့စဉ်အချိန်ဇယားတွေကို Michael ကချပြပြီးယင်းတို့ စွမ်းအားပိုဖြည့်တင်းသလို အောက်မေ့ရအောင်သူတို့ရဲ့နိစ္စဓူဝလုပ်ရိုးလုပ်စဉ်တွေကိုသင့်တင့်လျောက်ပတ်စွာပြောင်းလဲဖို့ စာဖတ်သူတွေကိုလမ်းညွှန်ထားပါတယ်။
ဟိဏ်းကိုကို
