အိပ်ရာမ၀င်ခင်မှာ အောင်မြင်သူတွေပြုလုပ်လေ့ရှိတဲ့ အလုပ် ၁၂ မျိုး

သင်အိပ်ရာမ၀င်ခင် သင်လုပ်လေ့ရှိတဲ့အရာတွေက နောက်နေ့မှာ သင့်စိတ်အခြေအနေရဲ့ စွမ်းအင်အဆင့်အပေါ် သိသာတဲ့သက်ရောက်မှုဖြစ်စေမှာ ဖြစ်ပါတယ်။ အောင်မြင်သူတွေဟာ သူတို့ရဲ့အောင်မြင်မှုက သူတို့စိတ်နဲ့ ရုပ်ကျန်းမာရေးနဲ့ စတင်ပြီး အဲဒါနဲ့ပဲ အဆုံးသတ်ကြတာကို သဘောပေါက်ကြပါတယ်။ အဲဒါက သူတို့အိပ်ရေး၀၀အိပ်စက်မှုအပေါ် လုံးဝနီးပါးမူတည်ပါတယ်။ အောင်မြင်သူအများအပြား အိပ်ရာဝင်ခါနီးမှာ ပြုလုပ်လေ့ရှိတဲ့ အလုပ် ၁၂ မျိုးကတော့ အောက်ပါအတိုင်းဖြစ်ပါတယ်။

SleepingHabit1

၁။ သူတို့စာဖတ်ကြတယ်

အောင်မြင်သူအများစုဟာ မအိပ်ခင် နောက်ဆုံးအလုပ်အဖြစ် စာဖတ်ကြကြောင်း ကျွမ်းကျင်သူတွေက ပြောပါတယ်။ သမ္မတအိုဘားမားနဲ့ ဘီလျံနာဘီလ်ဂိတ်တို့ဟာ မအိပ်ခင်အနည်းဆုံးနာရီဝက်ကြာ စာဖတ်ကြပါတယ်။ တက်ကျမ်းစာရေးဆရာနဲ့ နိုင်ငံတကာစီးပွားရေး ဘာသာရပ်ဟောပြောသူ မိုက်ကယ်ကားရ်က အောင်မြင်သူတွေဟာ မအိပ်ခင်စာဖတ်ဖို့ အချိန်ယူကြောင်း၊ သူတို့ရဲ့ ပြက္ခဒိန်မှာ အဲဒါကိုညှိနှိုင်းလို့ မရနိုင်တဲ့ကိစ္စအဖြစ် မှတ်သားထားကြောင်း ပြောပါတယ်။ ''ဒါက စီးပွားရေးစာအုပ်၊ ဒါမှမဟုတ် လှုံ့ဆော်မှုပေးတဲ့ စာအုပ်ဖတ်ဖို့ အချိန်ချန်လှပ်ထားတာ မဟုတ်ဘူး။ အောင်မြင်သူအများစုဟာ ဇာစ်မြစ်မျိုးစုံကနေ သတင်းတွေ မွှေနှောက်ရှာဖွေခြင်းရဲ့ တန်ဖိုးကို သိကြတယ်။ အဲဒါက ပိုကြီးကျယ်တဲ့ တီထွင်ဖန်တီးမှုနဲ့ သူတို့ဘ၀ရဲ့ရမ္မက်ကို ဖြည့်တင်းပေးတယ်လို့ ယုံကြည်ကြတယ်'' လို့ သူကပြောပါတယ်။

SleepingHabit2

၂။ သူတို့အလုပ်နဲ့ လုံးဝအဆက်ဖြတ်ထားကြတယ်

တကယ်အောင်မြင်တဲ့လူတွေဟာ အိပ်ခါနီးမှာ အလုပ်ကိစ္စတွေ ဘာမှမလုပ်ပါဘူး။ သူတို့အီးမေးလ်တွေကို အရူးအမူးမစစ်ဆေးဘူး။ အလုပ်နဲ့ပတ်သက်တဲ့ ပြဿနာတွေကို မစဉ်းစားဘူး။ အိပ်တဲ့အခါ အလုပ်အကြောင်း စဉ်းစားရင် အိပ်ရာပေါ်အနားယူဖို့ ပိုခက်လိမ့်မယ်။ The You Plan စာအုပ်ရေးသူနဲ့ အသင်းအဖွဲ့ဆိုင်ရာ စိတ်ကုပညာရှင် ဒေါက်တာမိုက်ကယ်ဝုဒ်လပ်က အခုလိုပြောပါတယ်။

''အိပ်ရာပေါ် သင်လဲလျောင်းနေချိန်မှာ ဇွဲကောင်းလွန်းတဲ့ အလုပ်ရှင်အထက်လူကြီးဆီကရတဲ့ အီးမေးလ်တွေဖတ်ပြီး တွေးတောမနေသင့်ဘူး။ သင်အိပ်တဲ့အချိန်နဲ့ နောက်ဆုံးအီမေးလ်ဖတ်ခဲ့တဲ့ အချိန်ကြားမှာ နာရီဝက်လောက် အလွတ်ထားပါ။

SleepingHabit3

၃။ သူတို့က ပလပ်အကုန်လုံးဖြုတ်ပစ်တယ်

အလုပ်နဲ့အဆက်ဖြတ်တယ်ဆိုတာ မအိပ်ခင် အီးမေးလ် မစစ်တော့ရုံမျှ မဟုတ်ပါဘူး။ ဆိုရှယ်မီဒီယာတွေ သုံးတာ၊ ဒါမှမဟုတ် ဖုန်းနဲ့ ဂိမ်းကစားတာတွေလည်း မလုပ်သင့်ပါဘူး။ မအိပ်ခင် ဖုန်းကလိတာ သင့်အတွက် ကောင်းကျိုးထက် ဆိုးကျိုးပိုရစေမယ်လို့ သုတေသီတွေက ပြောပါတယ်။ သင့်ဖုန်းစကရင်က မီးရောင်ပြာပြာက နေရောင်ခြည်လို လင်းထိန်ပါတယ်။ အဲဒါက သင့်ခန္ဓာကိုယ် အိပ်ချိန်၊ နိုးချိန်သတိပေးတဲ့ Circadian နာရီ စည်းချက်ကို လည်ပတ်စေတဲ့ မရှိမဖြစ် မယ်လာတိုနင် ဟော်မုန်းဓာတ်ထုတ်လုပ်မှု ရပ်တန့်ထားဖို့ ဦးနှောက်ကို အမိန့်ပေးပါတယ်။ အဲဒါကြောင့် သင်အိပ်ရေးပျက်ရုံမက အမြင်အာရုံပြဿနာ၊ ကင်ဆာနဲ့ စိတ်ကျရောဂါတွေ ဖြစ်လာနိုင်ပါတယ်။ အွန်လိုင်းသတင်းစာ Huffington Post တည်ထောင်တဲ့ အယ်ဒီတာချုပ် အာရီးယားနား ဟတ်ဖင်တန်ဟာ ပင်ပန်းနွမ်းနယ်လို့ လဲခွေကျပြီးနောက်ပိုင်းမှာ အိပ်စက်နည်းကို လုံးဝပြောင်းလဲခဲ့ပါတယ်။ သူဟာ iPad တွေ၊ Kindle လို e-book ဖတ်တဲ့ Tablet ၊ Laptop နဲ့ တခြားအီလက်ထရောနစ် ကိရိယာအားလုံးကို သူ့အိပ်ခန်းထဲမှာ မထားတော့ပါဘူးတဲ့။

SleepingHabit4

၎။ သူတို့က လုပ်စရာကိစ္စကို စာရင်းပြုစုတယ်

''နှစ်ခြိုက်စွာအိပ်ပျော်ဖို့ စိတ်ကို ရှင်းလင်းထားတာဟာ အောင်မြင်သူအများစုအတွက် အရေးပါလှပါတယ်။ များသောအားဖြင့် သူတို့က နောက်နေ့မှာ ဆောင်ရွက်ရမယ့်၊ ဒါမှမဟုတ် ညွှန်ကြားရမယ့် မလုပ်ရသေးတဲ့ ကိစ္စမှန်သမျှကို အဲဒီအချိန်မှာ စာရင်းလုပ်တယ်။ ဒါကြောင့် အဲဒီအတွေးတွေက ညပိုင်းမှာ သူတို့ခေါင်းထဲ ၀င်မလာတော့ဘူး'' လို့ မိုက်ကယ်ကားရ်က ပြောပါတယ်။ ဥပမာပြောရရင် American Express ကုမ္ပဏီရဲ့ စီအီးအိုဖြစ်သူ ကက်နက်ချင်နော့လ်ဟာ နောက်နေ့ကျ သူလုပ်ချင်တဲ့ ကိစ္စသုံးခုကို စာရင်းချရေးလေ့ ရှိပါတယ်။

SleepingHabit5

၅။ သူတို့က မိသားစုနဲ့ အချိန်ဖြုန်းတယ်

လက်တွဲဖော်၊ ဒါမှမဟုတ် မိမိရဲ့မိသားစုနဲ့ စကားပြောတာ၊ ဒါမှမဟုတ် သင့်ခွေးလေးနဲ့ ဆော့တာကို အချိန်ပေးဖို့ အရေးကြီးတယ်လို့ ၀ုဒ်ဝပ်ဒ်က ပြောပါတယ်။ သိပ်အောင်မြင်တဲ့လူတွေကြားမှာ ဒီဟာက လုပ်နေကျကိစ္စပါလို့ I Know How She Does It စာအုပ်ရေးတဲ့ လော်ရာဗင်ဒါကမ်းက ပြောပါတယ်။

''ဘယ်သူမဆို ကိုယ့်ဘ၀လက်တွဲဖော်နဲ့အတူတူ အိပ်ရာဝင်လို့ရပေမဲ့ ဖြစ်နိုင်ရင် သင့်ရဲ့နေ့ရက်တွေအကြောင်း ဆက်သွယ်ပြောဆိုမှုပြုလုပ်တာ သိပ်ကောင်းတဲ့နည်းလမ်းမှန်း ကျွန်မသိတယ်'' လို့ သူက ပြောပါတယ်။

SleepingHabit6

၆။ သူတို့က ညနေခင်းမှာ လမ်းလျှောက်ကြတယ်

Buffer Co. တည်ထောင်သူနဲ့ စီအီးအိုဂျိုဝယ်လ်ဂယ်စ်ကွိုင်းဟာ အိပ်ရာမ၀င်ခင်မိနစ် ၂၀ ကြာ လမ်းလျှောက်လေ့ ရှိပါတယ်။ ''ဒါက စိတ်လက်ဖြေလျှော့တဲ့ အချိန်လေးပေါ့။ တစ်နေ့တာလုပ်ခဲ့သမျှကို ပြန်အကဲဖြတ်တာ၊ ပိုကြီးမားတဲ့စိန်ခေါ်မှုတွေ စဉ်းစားတာထက် တဖြည်းဖြည်းချင်း အလုပ်ကိစ္စမစဉ်းစားတော့ဘဲ အနားယူတာကို လုပ်ခွင့်ရစေတယ်'' လို့ သူ့ရဲ့ဘလော့ဂ်မှာ ရေးထားပါတယ်။ အရင်က မအိပ်ခင်လေ့ကျင့်ခန်းလုပ်ရင် အိပ်မပျော်ဘူးလို့ ယူဆခဲ့ပေမဲ့ ညဘက်မှာတောင် လေ့ကျင့်ခန်းလုပ်ခြင်းက ပိုပြီးနှစ်ခြိုက်စွာ အိပ်ပျော်စေကြောင်း၊ လမ်းလျှောက်တာက သောကနဲ့ဖိစီးမှုကို လျှော့ချပေးကြောင်း အမျိုးသားအိပ်စက်မှုလေ့လာရေး ဖောင်ဒေးရှင်းက ၂၀၁၃ ခုနှစ်မှာ တွေ့ရှိခဲ့တယ်။

SleepingHabit7

၇။ တစ်နေ့တာလုပ်ခဲ့သမျှကို ပြန်သုံးသပ်ကြတယ်

အောင်မြင်တဲ့ ပုဂ္ဂိုလ်အများအပြားဟာ ပြီးဆုံးခဲ့တဲ့ တစ်နေ့တာအတွင်း သူတို့တန်ဖိုးထားတဲ့ ကိစ္စသုံးခုကို ပြန်သုံးသပ်၊ ဒါမှမဟုတ် ရေးမှတ်ကြတယ်လို့ ကားရ်က ပြောပါတယ်။ 'ကျေးဇူးတင်မှတ်တမ်း' ပြုစုထားခြင်းက အောင်မြင်သူတွေရဲ့ဘ၀မှာ ဘယ်အချိန်မဆို ဒါက ဆက်လက်ပြီး လှုံ့ဆော်ပေးနေပါလိမ့်မယ်။ သင်ပုံစံတစ်မျိုးပြောင်းပြီး ဖြေရှင်းခဲ့ရင်ကောင်းမယ်လို့ နောင်တရမိတဲ့နေ့ကျမှ အပျက်သဘောဆောင်တဲ့ အခြေအနေတွေကို ပြန်စဉ်းစားမိတဲ့ ထောင်ချောက်ထဲကျဖို့ လွယ်ကူပါတယ်။ အဲဒီနေ့က ဘယ်လောက်ဆိုးဆိုး အောင်မြင်သူတွေက ဖိစီးမှုပိုဖြစ်စေမယ်လို့ သိတာကြောင့် အဆိုးမြင်မှုဆန်တဲ့ ပြောဆိုမှုကို ရှောင်ရှားတတ်ပါတယ်။ ဘင်ဂျမင်ဖရန်ကလင်ဟာ ညတိုင်း ''ဒီနေ့ကောင်းတာတွေ ငါလုပ်ခဲ့သလား'' လို့ သူ့ကိုယ်သူ ပြန်မေးလေ့ရှိတယ်။ တစ်နေ့တာအတွင်း သင့်ကို အပြုသဘောဆောင်ပြီး ကျေနပ်အားရစေအောင် ဘယ်ကိစ္စက မှန်ကန်ချောမောစေသလဲ၊ အချိန်ခဏပေးပြီး စဉ်းစားပါ'' လို့ ဗင်ဒါကမ်းက ဖြည့်စွက်ပြောပါတယ်။

SleepingHabit8

၈။ မနက်ဖြန်ရဲ့အောင်မြင်မှုကို သူတို့မှန်းဆတယ်

အောင်မြင်သူအများအပြားဟာ လက်ရှိလုပ်နေတဲ့ သူတို့ရဲ့ စီမံကိန်းတွေအတွက် ကောင်းတဲ့ရလဒ်ကို အိပ်ရာမ၀င်ခင် မိနစ်အနည်းငယ်ကြာ ကြိုတင်မှန်းဆဖို့ ဖော်ပြတယ်လို့ Tame Your Terrible Office Tyrant စာအုပ်ရေးသူ 'လင်းတေလာ' က ပြောပါတယ်။ လူအများစုအတွက် ဒီဟာက အလုပ်တာဝန်မဟုတ်သလို လေ့ကျင့်ခန်း မဟုတ်ဘူး။ သူတို့ဟာ ခိုင်မာတဲ့ အဖြေရှာနည်းကျွမ်းကျင်တဲ့ ပါရမီပါလာသူတွေ ဖြစ်ပါတယ်။

SleepingHabit9

၉။ သူတို့က ကမ္မဋ္ဌာန်းထိုင်ကြတယ်

အောင်မြင်သူအများစုဟာ မအိပ်ခင် ဆယ်မိနစ်ကြာ ကမ္မဋ္ဌာန်းထိုင်ကြပါတယ်။ အဲဒါက စိတ်ကို ကြည်လင်အေးချမ်းစေပြီး ကိုယ်ခန္ဓာကို ပြေလျော့စေတယ်လို့ နယူးယောက်မြို့မှ အရာရှိ သင်တန်းနည်းပြဆရာ ဒေးလ်ကူရိုးက ပြောပါတယ်။

SleepingHabit10

၁၀။ သူတို့က အိပ်စက်ဖို့ အစီအစဉ်ကြိုတင်ရေးဆွဲတယ်

အလုပ်များတဲ့လူတွေဟာ နာတာရှည်အိပ်ရေးပျက် ဝေဒနာခံစားရပါတယ်။ အလုပ်မနားတမ်းလုပ်သူ၊ ဒါမှမဟုတ် အလုပ်စွဲနေသူ၊ ဒါမှမဟုတ် စွန့်ဦးတီထွင်လုပ်ငန်းရှင်တွေအတွက် စိန်ခေါ်မှုဖြစ်နိုင်တဲ့ကိစ္စက အောင်မြင်သူတွေဟာ သူတို့အိပ်ရေး၀၀အိပ်ရေးကို ဦးစားပေးကိစ္စအဖြစ် သတ်မှတ်ခြင်းပါပဲ။ အဲဒါလုပ်ဖို့က ညတိုင်းအချိန်မှန်အိပ်ဖို့ပါ။ ဒါဟာ ကျန်းမာရေးညီညွတ်တဲ့ အိပ်စက်မှုဖြစ်ဖို့ အထောက်အကူ အဓိကအကျင့်ဖြစ်ကြောင်း အိပ်စက်မှု သုတေသီတွေအားလုံးက ထောက်ခံပါတယ်။ သင်အိပ်ရာက ထမယ့်အချိန်ကို သတ်မှတ်၊ သင်အိပ်ဖို့ အချိန်ဘယ်လောက်ပဲ လိုအပ်သည်ဖြစ်စေ နောက်ပြန်ရေတွက်ဖို့၊ အိပ်ဖို့အသင့်ဖြစ်တဲ့အခါ နှိုးစက်ခလုတ်ဖွင့်ထားရမယ်လို့ ဗင်ဒါကမ်းက ဆက်လက်အကြံပေးထားပါတယ်။ ''သင်ဟာ ညဥ့်နက်အောင်နေပြီး မနက်မိုးလင်းမှ ပြန်နှပ်နေတာ အဆိုးဆုံးပဲ။ လူသားမှာ စိတ်စွမ်းအင်က အကန့်အသတ်ရှိတယ်။ ကိုးမိနစ်စီလောက် ထုံ့ပိုင်းထုံ့ပိုင်းဆက်ပြီး နှပ်ခြင်း (မှိန်းခြင်း)၊ ထရမယ့်အချိန်အတွက် ငြင်းခုံပြီးတော့ သင့်ရဲ့စိတ်စွမ်းအင်ကို မဖြုန်းတီးပါနဲ့လို့ ဗင်ဒါကမ်းက ပြောပါတယ်။

SleepingHabit11

၁၁။ သူတို့မှာ ကျန်းမာသန့်ရှင်းတဲ့ အလေ့အကျင့်ရှိတယ်

သင်ဟာ အိပ်ရာဝင်ဖို့ အသင့်ဖြစ်ကြောင်း စိတ်ပိုင်းဆိုင်ရာအချက်ပြတဲ့ ကျန်းမာသန့်ရှင်းရေး အလေ့အကျင့်ကို ဖန်တီးထားပါလို့ အမျိုးသားအိပ်စက်မှု လေ့လာရေးဖောင်ဒေးရှင်းက အကြံပေးထားပါတယ်။ အဲဒါက သွားတိုက်ခြင်း၊ မျက်နှာသစ်ခြင်း၊ ကြိုးနဲ့သွားတိုက်ခြင်း (Flossing) နဲ့ ခေါင်းဖြီးခြင်းတို့ ပါဝင်ပါတယ်။

SleepingHabit12

၁၂။ သူတို့က ၀ိုင်အရက်မသောက်ကြဘူး

အာရီယားနားဟတ်ဖင်တန်ဟာ သူ့ရဲ့စာအုပ် Thrive အတွက် သုတေသနပြုစဉ်က အိပ်စက်မှုကျွမ်းကျင်သူအတော်များများနဲ့ တွေ့ဆုံဆွေးနွေးပြီး အကြံကောင်းတွေ ရယူခဲ့ပါတယ်။ သူအကြိုက်ဆုံးတစ်ခုက အိပ်ခါနီး အရက်ရှောင်ခြင်းပါ။ အရက်က သင့်ကိုအိပ်ပျော်စေပေမဲ့ အိပ်စက်မှုအရည်အသွေးကို ထိခိုက်ကြောင်း အမျိုးသားကျန်းမာရေးတက္ကသိုလ် (NIH) က တွေ့ရှိထားသတဲ့။

အရက်ဟာ လူတွေကို နိုးနိုးကြားကြားအိပ်ပျော်စေတာကြောင့် အလွယ်တကူပြန်နိုးစေနိုင်ပြီး နှစ်ခြိုက်စွာ အိပ်မောကျတာကို အဟန့်အတားပြုတယ်လို့ သူက ဖြည့်စွက်ပြောပါတယ်။

စိုးညွန့်ဇော်