ခါးနာသက်သာစေမယ့် နည်းလမ်း ၈ မျိုး
အလုပ်စားပွဲ၊ စာကြည့်စားပွဲမှာ အချိန်တော်တော်များများ ထိုင်နေရတတ်သူတွေအတွက် ခါးနာတာက အဖြစ်များပါတယ် … ဒါကြောင့် တကယ်လို့များ ခါးနာတတ်တဲ့သူတစ်ယောက်ဆိုရင် ဘယ်လိုနည်းလမ်းလေးတွေက အထောက်အကူဖြစ်မယ်ဆိုတာ သိနိုင်စေဖို့ ခါးနားသက်သာစေမယ့် နည်းလမ်း ၈ မျိုးကို ဖော်ပြပေးလိုက်ပါတယ်။
၁။ လေ့ကျင့်ခန်း ပြုလုပ်ပါ
လေ့ကျင့်ခန်း မပျက်မကွက် နေ့စဉ် ပြုလုပ်ပါ။ ခါးနာတာ သက်သာဖို့အတွက်ဆိုရင် အကြောလျှော့တာနဲ့ ခြေလက်တွေကို ဆန့်တန်းပြီး ပြုလုပ်ရတဲ့ လေ့ကျင့်ခန်းတွေက အဓိကသော့ချက်ပါပဲ။ လေ့ကျင့်ခန်းပြုလုပ်ခြင်းက လှုပ်ရှားမှု ပေါ့ပါးလာစေတဲ့အပြင် အာရုံကြောတွေနဲ့ ကြွက်သားတွေရဲ့ လုပ်ဆောင်မှုကို ပိုမိုကောင်းမွန်စေပါတယ်။ ဒါအပြင် နာကျင်မှုလျော့နည်းစေပြီး ကြွက်တက်တာမျိုးတွေလည်း မရှိတော့ပါဘူး။ ဒါပေမဲ့ လေ့ကျင့်ခန်းပြုလုပ်ချိန်မှာတော့ ဖြည်းဖြည်းနဲညင်သာစွာပြုလုပ်ပါ။ အလေးနဲ့ ကစားတဲ့ လေ့ကျင့်ခန်းတွေက သင့်ရဲ့ကျောရိုးကို ထောက်ပံ့တဲ့ ကြွက်သားတွေကို သန်မာစေတာမို့ သိပ်ကိုအရေးကြီးပါတယ်။
၂။ လမ်းလျှောက်ပါ
သင်ဖြည်းဖြည်းပဲ လမ်းလျှောက်မယ်ဆိုရင်တောင် တစ်ရက်ကို အနည်းဆုံး မိနစ်နှစ်ဆယ်ခန့် လမ်းလျှောက်ပါ။ လမ်းလျှောက်ခြင်းက ဖြည်းဖြည်းချင်းနဲ့ ထိရောက်မှုရှိတဲ့ လေ့ကျင့်ခန်းဖြစ်သလို သင့်ရဲ့လှုပ်ရှားနိုင်စွမ်းတွေကို မြှင့်တင်ပေးပါလိမ့်မယ်။ ပုံမှန်လမ်းလျှောက်ခြင်းက သင့်ရဲ့ကျန်းမာရေးကို မြှင့်တင်ပေးတဲ့အပြင် ကောင်းမွန်စွာလည်း အိပ်စက်နိုင်စေပါတယ်။
၃။ ရေကူးပါ
သင်ရေကူးဖို့ အဆင်သင့်တယ်ဆိုရင်တော့ တစ်ရက်ကို မိနစ်နှစ်ဆယ်ခန့် ရေကူးပါ။ ကန်ရေအမြင့်က ကိုယ့်ရဲ့ရင်ဘတ်ခန့်မြင့်ဖို့လိုပြီး လမ်းလျှောက်တဲ့ လေ့ကျင့်ခန်းနဲ့ ရေကူးတာပါ တွဲဖက်လုပ်ပါ။ သင် ခါးပိုနာလာတာနဲ့အမျှ ရေပိုကူးပါ။ ရေကူးခြင်းက နှစ်ရှည်လများ ခါးနာဝေဒနာ ခံစားသူတွေအတွက် အကောင်းဆုံးကုထုံးတစ်ခု ဖြစ်ပါတယ်။ လေ့လာချက်အရတော့ ရေကူးခြင်းက ခါးနာတာကို သက်သာစေတဲ့အပြင် စိတ်ဖိစီးမှုကို မြင့်မားစေတဲ့ ဟော်မုန်းတွေကို လျော့ကျစေပါတယ်။ တစ်ခါတစ်ရံမှာ ခါးနာတာဟာ စိတ်ဖိစီးမှုကြောင့်လည်း ဖြစ်နိုင်ပါတယ်။ ဒါအပြင် ရေထဲမှာပဲ လေ့ကျင့်ခန်းလုပ်သလို ဖြစ်နေတာကြောင့် ဘာအလေးအပင်မှလည်း သယ်စရာမလိုတော့ဘဲ ထိခိုက်ဒဏ်ရာရမှာကိုလည်း စိုးရိမ်စရာ မလိုတော့ပါဘူး။
၎။ တစ်နာရီတစ်ခါ ကိုယ်နေဟန်ထားကို ဂရုတစိုက်ကြည့်ပါ
သင်ထိုင်နေတာပဲဖြစ်ဖြစ် မတ်တတ်ရပ်နေတာပဲဖြစ်ဖြစ် မတ်မတ်နေပါ။ ပုံမှန်ဂရုတစိုက်နဲ့ မိမိကိုယ်နေဟန်ထားကို ဂရုစိုက်ရပါမယ်။ ကိုယ်နေဟန်ထား မမှန်ခြင်းက ခါးနာခြင်းကို ဆိုးရွားစေလို့ပါပဲ။
၅။ ယောဂလေ့ကျင့်ပါ
လေ့လာမှုတွေရဲ့ တွေ့ရှိချက်တွေအရ ယောဂကျင့်စဉ်တွေက ခါးနာတာကို များစွာသက်သာစေပါတယ်။ ယောဂလေ့ကျင့်ခန်းရဲ့ အားသာချက်ကတော့ နာကျင်ဒဏ်ရာရတာမျိုးလည်း မဖြစ်စေပါဘူး။ သင်ဟာ အကြောတွေကောင်းစွာ မလျော့နိုင်သေးဘူးဆိုရင်တောင် ယောဂကျင့်ရာမှာ အသုံးပြုတဲ့ ခါးပတ်၊ အခင်းနဲ့ ခေါင်းအုံးလေးတွေ အစရှိတဲ့ အထောက်အပံ့တွေရှိတာမို့ ခက်ခဲမှုမရှိပါဘူး။
၆။ အပ်စိုက်ကုသခြင်းပြုလုပ်ပါ
ခါးနာသက်သာအောင် အပ်စိုက်ကုသတာက ခါးနာတာအပြင် တခြားအကျိုးကျေးဇူးတွေလည်းရပါတယ်။ အပ်စိုက်လိုက်တဲ့အခါ ခန္ဓာကိုယ်မှာခံစားလို့ကောင်းတဲ့ Endorphins ဟော်မုန်းတွေ များစွာထွက်ပါတယ်။ အကြံပြုချင်တာကတော့ ပိုနာတဲ့နေရာမှာ အပ်ကို ခပ်နက်နက်စိုက်ပြီး ကုသတာက များစွာထိရောက်ပါတယ်။ လေ့လာမှုတစ်ခုရဲ့ အဆိုအရတော့ သာမန်အပ်စိုက်ကုထုံးထက်တောင် ပိုပြီးထိရောက်မှုရှိတယ်လို့ ဆိုပါတယ်။
၇။ နှိပ်ပေးပါ
လေ့လာချက်အများစုရဲ့ သုံးသပ်ချက်အရတော့ နှစ်ရှည်လများခါးနာခြင်းကို နှိပ်ပေးခြင်းနဲ့ သက်သာစေတယ်လို့ ဆိုပါတယ်။ ဒါပေမဲ့ အဲဒါဟာ ခဏသက်သာစေရုံပဲ ဖြစ်ပါတယ်။ သင်က ငွေကြေးတတ်နိုင်မယ်ဆိုရင်တော့ ခါးနာတာ သက်သာစေဖို့နဲ့ ဖိစီးမှုတွေပျောက်ဖို့ အနှိပ်ခံတာမျိုးကို အားပေးပါတယ်။ Myofascial Release ၊ ဒါမှမဟုတ် Acupressure Massage ဆိုတဲ့ နှိပ်နယ်ခြင်းမျိုးတွေ ပြုလုပ်မယ်ဆိုရင် သင့်ရဲ့လှုပ်ရှားမှုနဲ့ လုပ်ဆောင်မှုတွေကို ကောင်းမွန်စေမှာဖြစ်ပါတယ်။
၈။ ကာကွယ်ပါ
ပစ္စည်းတစ်ခုခု မတော့မယ်ဆိုရင် သင့်ခြေထောက်ကို အသုံးပြုပါ။ ခါးကို အသုံးမပြုပါနဲ့။ အလေးအပင် မ တော့မယ်ဆိုရင် ပစ္စည်းနားကို အရင်သွားပါ၊ ဒူးကွေးပါ၊ ပစ္စည်းကို ကိုင်ပါ။သင့်ခြေထောက်ကို မတ်မတ်ထားပြီး သယ်ပါ။
Ref: www.readersdigest.ca
အဒိုနီရမ်
