လူတိုင်းလိုက်နာသင့်တဲ့ စီးပွားရေးဆိုင်ရာကျင့်ဝတ် ၈ ခု
ကျွန်တော်လေကြောင်းလိုင်းတစ်ခုမှာ လေယာဉ်မောင်အနေနဲ့ အလုပ်လျှောက်တုန်းက အင်တာဗျူးတဲ့ပုဂ္ဂိုလ်က ကျွန်တော့်ကို ဘယ်သူမှ ဘယ်တုန်းကမှ မပေးဖူးတဲ့ Career နဲ့ ပတ်သက်တဲ့ အကောင်းဆုံးအကြံဉာဏ်တစ်ခုကို ပေးခဲ့ပါတယ်။
သူက အလုပ်မှာ တစ်ချိန်လုံး ကျွန်တော်ဘယ်လိုနေတယ်၊ ဘယ်လိုထိုင်တယ်၊ ဘာစားတယ်ဆိုတာတွေကအစ အကုန်လုံးကို စောင့်ကြည့်နေမယ့် လူတစ်ယောက်ရှိလိမ့်မယ်လို့ ပြောခဲ့ပါတယ်။ တကယ်တမ်း အဲဒီလို စောင့်ကြည့်တဲ့လူရှိ၊ မရှိဆိုတာတော့ ကျွန်တော် မသိပါဘူး။ သိအောင်လုပ်ဖို့လည်း လိုတယ်လို့ မထင်ပါဘူး။ အလုပ်မှာ အကောင်းဆုံးကြိုးစားရင် Customer တွေနဲ့ လုပ်ဖော်ကိုင်ဖက်တွေကြားမှာ ကိုယ့်ရဲ့ကောင်းသတင်းက မွှေးပျံ့နေမှာပဲ မဟုတ်လား။ ရိုးသားမှု၊ ကြိုးစားမှုဆိုတာ ကျွန်တော်ပြောတာထက် ပိုပြီးခရီးရောက်ပါတယ်။ အလုပ်မှာ နာမည်ကောင်းအမြဲရချင်တယ်၊ သူဌေးက ရာထူးတိုးပေးဖို့ စဉ်းစားတဲ့အခါမှာ ကိုယ်က ထိပ်ဆုံးကပါချင်တယ်ဆိုရင် အခုဖော်ပြထားတဲ့အချက်တွေကို လိုက်နာဖို့ အကြံပြုလိုပါတယ်။
၁။ Meeting မှာ Gadgets တွေ မသုံးပါနဲ့။
Meeting မှာ ကိုယ့် Gadgets တွေဆီကလာတဲ့ Message တွေက တခြားလူတွေကို စိတ်အနှောင့်အယှက် ဖြစ်စေတဲ့အတွက် များသောအားဖြင့် ဖုန်း၊ Laptop စတာတွေကို Silent Mode ကို ပြောင်းခိုင်းထားလေ့ရှိပါတယ်။ တကယ်လို့ လူတိုင်း ဒီနည်းအတိုင်း လိုက်လုပ်မယ်ဆိုရင် Meeting တွေဟာ ပိုပြီးထိရောက်လာမှာပါ။
၂။ Meeting ကို အချိန်တိတိကျကျရောက်ပါစေ။
သင်ဟာ Meeting စီစဉ်တဲ့လူဆိုရင် ချိန်းထားတဲ့အချိန်ထက် အနည်းဆုံးငါးမိနစ် စောစောရောက်ဖို့လိုပြီး Meeting လာတက်တဲ့လူဆိုရင်တော့ ချိန်းထားတဲ့အချိန် တိတိကျကျ ရောက်လာဖို့လိုပါတယ်။ အကြောင်းအမျိုးမျိုးကြောင့် နောက်ကျနိုင်ရင်လည်း ဒီအတိုင်း ဘာမှမပြောဘဲနေတာထက် တခြားလူတွေဆီကို Message ၊ Email တစ်စောင်လောက် ပို့ထားပေးသင့်ပါတယ်။
၃။ စီးပွားရေးဆိုင်ရာ တွေ့ဆုံပွဲတွေတက်တဲ့အခါ ကိုယ့်ရဲ့အလေ့အကျင့်ကောင်းတွေပါ သယ်ဆောင်သွားပါ။
စီးပွားရေးဆိုင်ရာ တွေ့ဆုံစားသောက်ပွဲတွေသွားရင် ကိုယ့်ရဲ့မကောင်းတဲ့အကျင့်တွေကို အမြဲထားခဲ့ပါ။ ဒီပွဲတွေဟာ ကိုယ့်ရဲ့အဆင့်အတန်းကို ဖော်ပြနေတာကြောင့် မကောင်းတဲ့အပြုအမူတွေကို ယူသွားရင် ဒီပွဲကနေဆက်စပ်ပြီးရလာမယ့် Customer ဆိုတာ မရှိတဲ့အပြင် ရှိပြီးသား Customer တွေပါ ဆုံးရှုံးနိုင်ပါတယ်။
၎။ ရုံးမှာ လက်သည်းမညှပ်ပါနဲ့။
ကိုယ့်အိမ်၊ ရေချိုးခန်းထဲမှာ လုပ်ရတဲ့အလုပ်မျိုး ရုံးမှာ လုံးဝ မလုပ်သင့်ပါဘူး။ ကျွန်တော်တို့ဟာ Open Work Environment မှာ အလုပ်လုပ်ကြတာ ဖြစ်တဲ့အတွက် တခြားလူတွေကို စိတ်ကသိကအောက်၊ အနှောင့်အယှက် ဖြစ်စေသလို တခြားလူတွေရဲ့ ကိုယ့်အပေါ်လေးစားမှုကိုလည်း လျော့ကျစေပါတယ်။
၅။ ကျေးဇူးတင်ကြောင်း ဖော်ပြပါ။
အလုပ်တစ်ခုပြီးတိုင်း အလုပ်နဲ့ဆက်နွှယ်နေတဲ့ လူတွေကို ကျေးဇူးတင်ကြောင်းပြောပါ။ ဖြစ်နိုင်ရင် ကိုယ်တိုင်စာရေးပြီး ပြောတာက ပိုကောင်းပါတယ်။ ကျေးဇူးတင်ကြောင်းစာကို စာလုံးပေါင်းသတ်ပုံ မှန်မှန်၊ တိုတိုနဲ့ အချက်အလက် ပြည့်ပြည့်စုံစုံ ရေးတာက ပိုကောင်းပါတယ်။
၆။ ကုမ္ပဏီက ဖိတ်ကြားတဲ့ ပွဲတွေကို ကိုယ်နဲ့သိတဲ့ လူတစ်ယောက်ယောက် ခေါ်သွားချင်ရင် အရင်ခွင့်တောင်းပါ။
တကယ်လို့ လုပ်ငန်းနဲ့ပတ်သက်တဲ့ပွဲတွေ ဖိတ်ကြားလာလို့ ကိုယ်နဲ့သိတဲ့တစ်ယောက်ကို ခေါ်သွားချင်ရင် ခေါ်မသွားခင် အရင်ဆုံး ခွင့်တောင်းပါ။ ကုမ္ပဏီက ကိုယ်ခေါ်လာတဲ့လူအတွက် အကုန်အကျမခံချင်တာမျိုး ရှိတတ်သလို ကိုယ်ခေါ်လာတဲ့အတွက် တခြားလူတွေ အနေရခက်တာမျိုး၊ အဆင်မပြေတာမျိုးတွေလည်း ဖြစ်တတ်တာကြောင့် ဖိတ်စာမှာ ကိုယ်နဲ့အတူ တခြားတစ်ယောက်ကိုပါ ဖိတ်တယ်လို့ ရေးမထားရင် တစ်ယောက်တည်းပဲ သွားပါ။
၇။ Message ၊ ဒါမှမဟုတ် Email ကတစ်ဆင့် အတင်းပြောတာမျိုးကို ရှောင်ပါ။
ကိုယ့်ရဲ့လုပ်ဖော်ကိုင်ဖက်တစ်ယောက်နဲ့ တစ်ယောက်ယောက်အကြောင်း အတင်းပြောထားတဲ့စာတွေသာ ကိုယ်အတင်းပြောထားတဲ့လူဆီကို ရောက်သွားရင် ဖြစ်လာမယ့် အကျိုးဆက်က မတွေးဝံ့စရာပါပဲ။ သေချင်လောက်အောင်ကို ရှက်ဖို့ကောင်းတဲ့ ကိစ္စမျိုးဖြစ်တဲ့အတွက် ဒီလိုအပြုအမှုမျိုး လုံးဝမပြုလုပ်သင့်ပါဘူး။ အတင်းပြောတယ်ဆိုတာ လုပ်ငန်းခွင်ယဉ်ကျေးမှုနဲ့ လုံးဝမသင့်တော်တဲ့အတွက် တချို့ကုမ္ပဏီတွေဆို တရားဝင်စာထုတ်ပြီး ကန့်သတ်ထားလေ့ရှိပါတယ်။
၈။ Meeting မှာ မေးခွန်းတွေ ခဏခဏ မေးတာမျိုး မလုပ်ပါနဲ့။
ကျွန်တော့်အမြင် Meeting တစ်ခုမှာ မေးခွန်းအများဆုံး သုံးခုထက် ပိုမမေးသင့်ပါဘူး။ ကိုယ်တစ်ဦးတည်းနဲ့သာဆိုင်တဲ့ မေးခွန်းမျိုးကို Meeting ပြီးမှ သတ်သတ်အချိန်ယူပြီး မေးတာမျိုး လုပ်သင့်ပါတယ်။ Meeting မှာ ထင်ပေါ်ချင်လို့ မေးခွန်းမေးတာမျိုး မဖြစ်သင့်ပါဘူး။
