ထိုင်းနိုင်ငံရဲ့ မော်ဒယ်ဟောင်းဆိုင်ကယ် ပြုပြင်မွမ်းမံတဲ့လုပ်ငန်း

ThaiOldModelCycle4

''တစ်နှစ်မှာကျွန်တော်ဟာစားစရာသောက်စရာလေးဝယ်ဖို့ လမ်းလျှောက်သွားရင်း မော်တော်ဆိုင်ကယ်ကလေးနဲ့ တိုဟူးရောင်းနေတဲ့လူတစ်ယောက်ကို တွေ့တယ်။အဲဒီမှာသူ့ရဲ့ Scooter လို့ခေါ်တဲ့ဘီးသေးသေးကိုယ်ထည်သေးသေး မော်တော်ဆိုင်ကယ်ကိုကြည့်လိုက်တော့၁၉၆၄ခုနှစ် မော်ဒယ်ဖြစ်နေတာ တွေ့ရတယ်''။ဒါကတော့၁၉၈၈ခုနှစ်တုန်းကသူစပြီးသဘောကျခဲ့တဲ့မော်တော်ဆိုင်ကယ်အကြောင်း ပြန်ပြောနေတဲ့ထိုင်းနိုင်ငံက Gin ဆိုသူဖြစ်တယ်။သူဟာအခုအခါ Vintage Vespa Thai လို့ခေါ်တဲ့ မော်တော်ဆိုင်ကယ်ပြင်လုပ်ငန်းကိုပူးတွဲပိုင်ဆိုင်ထားသူဖြစ်တယ်။သူဟာအဲဒီ Vespa လို့ခေါ်တဲ့ မော်တော်ဆိုင်ကယ်ကိုစတွေ့ပြီးစွဲလမ်းသွားတဲ့အခါတုန်းကသူ့အသက်၁၈နှစ်ပဲရှိသေးတယ်။

သူဟာအဲဒီဆိုင်ကယ်ကိုသဘောကျနေလို့ အဲဒီတိုဟူးဆိုင်ကိုပဲ နေ့တိုင်းသွားပြီးသူတိုဟူးမကြိုက်ပေမဲ့သူ့မိသားစုအတွက်ဝယ်တယ်။တစ်နေ့မှာသူဆိုင်ကယ်ကိုဝယ်ချင်တဲ့အကြောင်း ပြောပြတော့အဲဒီတိုဟူးသည်က ''ရပါတယ်ဗျာ နေ့စဉ်လုပ်ငန်းကိစ္စနဲ့ ဟိုဟိုဒီဒီသွားတဲ့အခါသုံးလို့ရမယ့်ဟာလေးသာအစားရမယ်ဆိုရင် ရောင်းမှာပေါ့'' တဲ့။ဒါနဲ့ Gin ဟာစိတ်ကူးတစ်ခုရပြီး၁၉၇၈ခုနှစ်မော်ဒယ်ဆိုင်ကယ်အဟောင်းလေးကိုသင့်တင့်တဲ့ဈေးဖြစ်တဲ့ဘတ်ငွေ၁၃,၈၀၀နဲ့ဝယ်ပြီး စောစောကပြောခဲ့တဲ့သူကြိုက်နေတဲ့၁၉၆၄ မော်ဒယ်ဆိုင်ကယ်လေးနဲ့လည်းလိုက်ပါတယ်။

''မောင်းပုံလည်း ပြောကြပါဦး'' လို့ Gin က မေးတော့တိုဟူးသည်က ''ဘယ်လက်မှာ 'ကလပ်' နဲ့ 'ဂီယာ' ရှိတယ်။ညာဘက်က ''ဘရိတ်'' လို့ ပြောတယ်။သူဟာဒီဆိုင်ကယ်လေးကိုတဖုတ်ဖုတ်နဲ့ စီးသွားရတာသဘောကျနေတဲ့အပြင်ဒါလေးကိုမူလကလိုအသစ်တိုင်း ပြန်ဖြစ်အောင် ပြင်ချင်ပါတယ်။ဒါနဲ့ ပြင်ဖို့ စပါတော့တယ်။

''စစချင်းသန့်ရှင်းအောင် ဆေးကြောပါတယ်။အဲဒီနောက်ဒီဆိုင်ကယ်လေးရဲ့ကက်တလောက်မှာပါတဲ့ပုံတွေကြည့်ပြီးဘယ်အပိုင်းတွေက (အော်ရီဂျနယ်) မူလပစ္စည်းဘယ်ဟာတွေက နောက်မှထပ်ထည့်ထားတာကိုကြည့်တယ်။ အော်ရီဂျနယ်မဟုတ်နိုင်တဲ့ဝက်အူတွေကိုဖြုတ်ပြီးတူတဲ့ဝက်အူအသစ်တွေနဲ့ လဲထည့်တယ်'' လို့ Gin က ပြောပြတယ်။ဘီးတွေလည်းသူလဲပစ်တယ်။အင်ဂျင်ဘေးဘက်ကအဖုံးတွေလည်းလဲတယ်။မူလက ခြစ်ရာတွေနဲ့ ကွဲကျနေတဲ့ဆေးအစားမှုတ်ဆေးနဲ့ ပြန်မှုတ်တယ်။ဒါပေမဲ့အင်ဂျင်စက်ကို ပြင်ဖို့ကိစ္စမှာကျတော့ဂီယာလေးမျိုးထဲကတစ်မျိုးပဲအလုပ်လုပ်နိုင်တာဖြစ်နေတဲ့အတွက် Ting Montri ဆိုတဲ့လူရဲ့စက်ပြင်ဆိုင်ကိုသွားရပါတယ်။အဲဒီတုန်းကအသက်၄၁နှစ်ရှိ Mr Ting ဟာ Gin မသိဖူးသေးတဲ့စက်ပြင်ဆရာဖြစ်တယ်။သူဟာ Vespa မော်တော်ဆိုင်ကယ်တွေကို ပြုပြင်ရာမှာဆရာကြီးတစ်ဆူဖြစ်တယ်။

ThaiOldModelCycle3

Mr Ting ဟာ၁၂နှစ်သားအရွယ်မှာသူ့ဦးလေးနဲ့အတူဘန်ကောက်မြို့ကိုအသိတစ်ယောက်ဆီမှာအလုပ်လုပ်ဖို့ တက်လာခဲ့တယ်။အသိရဲ့နာမည်က Mr Nam တဲ့။ဒီလူက၁၉၆၇ခုနှစ်ထဲမှာအီတလီထုတ်Vespa မော်တော်ဆိုင်ကယ်လေးတွေကိုကိုယ်စားလှယ်မှာယူတင်သွင်းပြီးအရောင်းဆိုင်တွေကိုတစ်ဆင့် ဖြန့်ချိခဲ့တယ်။ Mr Ting က ''အစကတော့ကျွန်တော့်ဦးလေးက Mr Nam ဆီမှာလုပ်ဖို့ဆိုပြီး ခေါ်လာတာပါ။ဒါပေမဲ့ဦးလေးကအဲဒီ Mr Nam နဲ့ ညီအစ်ကိုတော်တဲ့ Mr Jil ဆီမှာပဲလုပ်စေချင်တယ်'' လို့ ပြောတယ်။ ''အဲဒီဆရာ Mr Jil က Vespa တွေ ပြင်တဲ့နေရာမှာ တော်တော်တော်တဲ့ပုဂ္ဂိုလ်ပါပဲ။ Tuk Tuk လို့ခေါ်တဲ့သုံးဘီး မော်တော်ဆိုင်ကယ်ပြင်နည်းလည်းသူကသိထားပြီးသားပါ'' လို့ Mr Ting က ပြောတယ်။ ''Tuk Tuk တွေနဲ့ Vespa တွေဟာစက်အထိုင်ချင်းအတူတူပါပဲ။အီတလီမှာလုပ်တာတွေချည်းပဲ'' တဲ့။ Mr Ting ဟာအဲဒီဆရာနဲ့တခြားလုပ်သားငါးယောက်နဲ့အတူကလပ်၊ဘရိတ်၊မီးလုံးကအစအင်ဂျင်နဲ့ ဘော်ဒီအဆုံးအကုန်လုံးပြင်တတ်သွားတယ်''။ ''အဲဒီတုန်းကကျွန်တော်အသက်ငယ်ငယ်လေးရှိသေးတယ်။ဒါပေမဲ့ကျွန်တော်ကအဲဒီအလုပ်ကိုသိပ်သဘောကျနေတာ။ Vespa ကိုကျွန်တော်တည်ဆောက်ချင်နေတာပါ'' တဲ့။သူကဆက်လက်ပြီး ''Vespa ကိုလုပ်ပြီးပြီဆိုရင်ကျွန်တော်စမ်းမောင်းကြည့်တယ်။ ပျော်စရာကောင်းတယ်ဗျာ။ မောင်းရင်းနဲ့ ရှေ့ဘီးကို မြှောက်မြှောက်ကြည့်လေ့ရှိတယ်။ငါသိပ်ဟုတ်ပါလားလို့ ခံစားမိပါတယ်'' လို့ ပြောတယ်။

ThaiOldModelCycle2

အထက်က ပြောခဲ့တဲ့အတိုင်း Gin ဟာသူ့ရဲ့ Vespa ကို Mr Ting ဆီမှာသွားပြင်တဲ့နှစ်မှာပဲတက္ကသိုလ်မှာ Marketing နဲ့ပတ်သက်တဲ့ဝိဇ္ဇာဘွဲ့ရဖို့ သင်ယူတယ်။ Vespa နဲ့ ဆက်စပ်မှုမရှိတဲ့ဘာသာရပ်ကိုသင်ယူနေရပေမယ့် Vespa ကိုသူသံယောဇဉ်မပြတ်ဘူး။ ''ကျွန်တော်ကစနေ၊တနင်္ဂနွေအားလပ်ရက်တွေမှာအရက်ဆိုင်တွေဘာတွေမသွားဘူး၊အိမ်မှာနေပြီး Vespa ကိုလေ့လာခြင်းသုတေသနလုပ်ခြင်း ပြုတယ်။တတ်သိနားလည်ခြင်းစိတ်ကများများလာတယ်'' လို့ Gin က ပြောတယ်။သူဟာပညာသင်ကြားရင်းတစ်ဖက်နဲ့မကြာခဏဆိုသလို Ting ရဲ့စက်ပြင်အလုပ်ရုံကိုသွားပြီးလုပ်ငန်းလေ့လာတယ်။ ''ဆရာကြီး Ting ကို Vespa ပြင်နည်းမမေးရဲဘူးဗျ။ဘာကြောင့်လဲဆိုတော့ကျွန်တော့်လိုလူတိုင်းလျှောက်သင်ပေးနေရင်လူတိုင်းပြင်တတ်သွားပြီးသူ့ဆီဘယ်သူမှလာပြင်ကြတော့မှာတော့မဟုတ်ဘူး။ဒါကြောင့်ကျွန်တော်ကအဲဒီလိုအသင်မခိုင်းရဲတာပါ။ဒီတော့အသာလေးပဲသူတို့ပြင်တာ ဘေးကကြည့်ပြီးပညာယူရတာပါပဲ''တဲ့။တစ်ခါတစ်ရံတော့သူပြင်နေတုန်းနည်းနည်းပါးပါးကူလုပ်ပေးခိုင်းတာမျိုးတော့ရှိတယ်။၁၉၆၉ မော်ဒယ်ကနေ၁၉၇၅ မော်ဒယ်တွေအထိ တော်တော်စုံပါတယ်'' တဲ့။

Gin ဟာစနေ၊တနင်္ဂနွေနေ့တွေနဲ့ ကျောင်းဆင်းပြီးချိန်တွေမှာ Ting ဆီပဲသွားလေ့လာတယ်။ဒီလိုနဲ့သူ့အသက်၂၄နှစ်မှာ Marketing ဘွဲ့ရပြီး နောက်ထပ်၅၈ခုနှစ်နဲ့ ၅၉ခုနှစ် မော်ဒယ်နှစ်စီးထပ်ဝယ်လိုက်ပါတယ်။အဲဒီနောက်သူဟာ Ting ရဲ့သဘောတူညီချက်အရ Gin ဟာသူ့ရဲ့၅၈ မော်ဒယ်ကို Ting စက်ရုံယူသွားပြီး ''ဒီလိုဖြစ်သွားရင်ဘယ်လိုပြင်ရပါသလဲ။ဟိုလိုဖြစ်သွားရင်ဘယ်လိုလုပ်ရမလဲခင်ဗျာဆိုပြီးတပည့်ခံပါတယ်။ညနေဘက်စက်ရုံပိတ်လို့ အိမ်ပြန်ရောက်တော့၅၉ မော်ဒယ်ကိုအဲဒီလိုရရှိခဲ့တဲ့အသိပညာတွေကိုသုံးပြီး ပြင်တော့တာပါပဲ။

ThaiOldModelCycle5

ဘွဲ့ရပြီး Marketing ကုမ္ပဏီမှာအချိန်ပြည့်ဝင်လုပ်ရတဲ့အခါသူမြတ်နိုးတဲ့ Vespa ပြင်တဲ့အလုပ်အတွက်အချိန်မရသလောက် ဖြစ်သွားတယ်။

နောက်နှစ်နှစ်တာကာလအတွင်း Gin နဲ့ သူ့ သူငယ်ချင်းနှစ်ယောက်တို့ဟာ Vespa အတော်များများကိုမူလအတိုင်းအသစ်ပြန်ဖြစ်အောင် ပြင်ကြတယ်။ Ting ဆီကိုခါတိုင်းလိုပဲပညာယူဖို့ ဆက်သွားနေတယ်။သူ့လုပ်ငန်းအတွက်လိုအပ်တဲ့ငွေကတော့မိဘကတက္ကသိုလ်စရိတ်အဖြစ် ပေးထားတဲ့အထဲကစုထားတာကိုသုံးတယ်။သူ၁၂နှစ်သားတုန်းကသူ့ဘကြီးရဲ့ ကြွေထည်ဆိုင်မှာအလုပ်လုပ်တုန်းကရတဲ့ငွေထဲကစုထားတာတွေလည်းထည့်သုံးတယ်။ ''ကျွန်တော်က ငွေစုတာဝါသနာရှိပြီးသားပါ'' တဲ့။ Gin နဲ့အဖွဲ့ဟာ ပြန်လည်မွမ်းမံပြင်ဆင်တာတွေအားလုံးလုပ်နိုင်ပေမယ့် ပြုပြင်ထားတဲ့ဆိုင်ကယ်ဘော်ဒီကို Hydrochloric Acid သုံးပြီးလုပ်ရတဲ့အလုပ်နဲ့ ဆေးသုတ်ရတဲ့အလုပ်ကိုတော့တခြားကုမ္ပဏီတစ်ခုဆီကိုသွားအပ်ရတယ်။ဒီလိုနဲ့ Gin တို့ဟာနှစ်လမှာဆိုင်ကယ်တစ်စီးကျ ပြန်လည်ပြုပြင်နိုင်ကြတယ်။

''လူတွေက Vespa တွေမရောင်းဘူးလား၊မရောင်းဘူးလားနဲ့ လာမေးကြတယ်။ကျွန်တော်တို့ကအသစ်တွေပဲ ရောင်းပြီးအဲဒီနေရာတွေမှာရှာလို့ရသမျှ အဟောင်းတွေနဲ့ ပြည့်သွားပါတယ်'' လို့ Gin က ပြောတယ်။

တစ်ချိန်မှာတော့သူ့မှာအဲဒီလိုဆိုင်ကယ်အစီးပေါင်းဆယ်စီးကျော်လက်ထဲမှာရှိတယ်။အားလုံး၁၉၅၀ ပြည့်လွန် မော်ဒယ်တွေချည်းပဲ။အဲဒါတွေနဲ့ မခွဲနိုင်မခွာရက်စွဲစွဲလမ်းလမ်းဖြစ်နေတော့မရောင်းချင်တော့ဘူး ဖြစ်နေတယ်။ ''အဲဒီလူတွေကိုမရောင်းတော့ပေမဲ့တခြားလူတွေအတွက်ပြင်ဆင်မွမ်းမံပေးပါတယ်။ကျွန်တော်ကကားပွဲစားလည်းလုပ်တယ်။ Vespa ရောင်းချင်တဲ့သူတွေလာရင်ကျွန်တော်က၀ယ်ချင်တဲ့သူရှာပေးပါတယ်။အဲဒီလိုနဲ့ ၀ယ်တဲ့သူက၀ယ်လိုက်တဲ့ Vespa တွေကျွန်တော့်ဆီလာပြီး ပြုပြင်မွမ်းမံခိုင်းတော့တာပေါ့ဗျာ'' တဲ့။ဒီလိုနဲ့ပဲ Gin ဟာ Vintage Vespa Thai ဆိုတဲ့အခုအခါလူသိများတဲ့လုပ်ငန်းကိုစတင်တည်ထောင်လိုက်ပါတယ်။အခုအခါမှာတော့သင်္ဘောတင်ကွန်တိန်နာသေတ္တာကြီးနှစ်လုံးကိုဝပ်ရှော့အဖြစ်အသုံးပြုပြီး Vespa အဟောင်းတွေကိုသန့်စင်ဆေးကြောတာကအစအားလုံးအပြီးအစီးပြန်လည်တတ်ဆင်တာအထိလုပ်ကိုင်နေတယ်။အချို့လုပ်ငန်းတွေကျတော့သူ့အိမ်မှာပဲလုပ်တယ်။

ပြီးခဲ့တဲ့သီတင်းပတ်နှစ်ပတ်လောက်ကပဲ Gin ဟာ Ting ကိုသူ့လုပ်ငန်းမှာစက်ပြင်ဆရာကြီးအဖြစ်လစာချီးမြှင့်ပြီးခန့်ထားလိုက်တယ်။ Ting ဟာအခုအခါ၅၉နှစ်ရှိပြီးဒီအရင်ငါးနှစ်လောက်တုန်းကသူဟာသွက်ချာပါဒရောဂါခံစားရလို့ ဆိုင်ကိုပိတ်ပစ်ခဲ့ရတယ်။ ''ဒီလူငယ်တွေကိုကျွန်တော်ငယ်ငယ်တုန်းကလိုတတ်အောင်သင်ပေးရတာသိပ်ဝမ်းသာပါတယ်'' လို့ Ting က ပြောတယ်။ခုလိုဝေဒနာခံစားနေရတဲ့အချိန် Gin ကကူညီလို့လည်း ကျေးဇူးတင်ကြောင်း ပြောတယ်။ပြီးခဲ့တဲ့ဆယ်နှစ်လောက်တုန်းက Gin ကိုဘာကြောင့်ဒီပညာတွေသင်ပေးခဲ့ရသလဲလို့ မေးတဲ့အခါသူက ''Gin ကလူကောင်းလေးတစ်ယောက်ဆိုတာကျွန်တော်တွေ့ရတယ်။ကျွန်တော့်ကိုသူကူညီချင်တယ်ဆိုတာလည်းသိရလို့ပါ'' လို့ Ting ကဆိုတယ်။''ဒီကလေးကိုကြည့်လိုက်တာနဲ့ ချစ်မိတယ်'' တဲ့။ကျွန်တော့်မှာသမီးမိန်းကလေးတစ်ယောက်ပဲရှိတယ်။သားယောက်ျားမရှိဘူး။ဒီလိုလူမျိုးကိုကျွန်တော်ပညာသင်ပေးချင်ခဲ့တာပေါ့'' တဲ့။

ThaiOldModelCycle1

အခုအခါမှာတော့ Gin ရဲ့ Vintage Vespa Thai ဟာ၁၉၄၆ခုနှစ်မော်ဒယ်ကအစ၂၀၀၀ ပြည့်နှစ် မော်ဒယ်တွေအထိ Vespa တွေကို ပြုပြင်မွမ်းမံပေးနေပါတယ်။စီးရေတစ်ရာလောက်ပြုပြင်ပြီးပါပြီ။တစ်လတစ်စီးပြင်နိုင်နေတယ်။ ပြည်ပကလူတွေအတွက်အဲဒီလိုပြုပြင်မွမ်းမံပေးချင်ပေမယ့် Vespa မော်ဒယ်အဟောင်းတွေပြည်တွင်းသွင်းဖို့ကျတော့စည်းမျဉ်းကန့်သတ်မှုတွေရှိနေပါတယ်။ Gin က ''Vespa  မော်ဒယ်အဟောင်းတွေ ပြန်စီးနေကြတာကိုကျွန်တော်တို့ တွေ့မြင်ချင်ပါတယ်'' လို့ ပြောတယ်။ ''အဲဒီမော်ဒယ်တွေထဲကတချို့ဟာအနှစ်၂၀၊၃၀ လောက်စီးပြီးသားတွေပါ။လူတချို့ကအဲဒါတွေကိုမသုံးတော့ဘူးဆိုပြီးလွှင့်ပစ်ကြတယ်။တချို့ကအဲဒါတွေရဲ့တန်ဖိုးကိုနားမလည်ကြဘူး။သံတိုသံစအဖြစ် ရောင်းပစ်နေကြတယ်'' လို့ Gin ကဆိုတယ်။ ''အဲဒီဆိုင်ကယ်လေးတွေကိုလှပသွားအောင်ကျွန်တော်တို့လုပ်ချင်တယ်၊ ပြန်စီးလို့ရအောင်လုပ်ချင်ပါတယ်'' တဲ့။

ညွန့်သောင်း